foto: pixabay
«Jańa ekonomıkalyq saıasat tómendegi basymdyqtarǵa negizdeledi: turaqty ınstıtýsıonaldyq reformalar, adal básekelestik jáne ekonomıkalyq erkindik, makroekonomıkalyq turaqtylyq, ekonomıkany ártaraptandyrý, adamı kapıtaldy damytý jáne memlekettik basqarý reformasy», - dedi SJRA basshysy Áset Erǵalıev.
Vedomstvo jańa ekonomıkalyq saıasat tujyrymdasyn sarapshylar qaýymdastyǵymen, kásipkerlermen jáne memlekettik organdarmen talqylap jatqanyn málimdedi.
«Tolyq aıaqtalǵan» reformalar paketin 2022 jylǵy shilde aıynda qarjylandyrý josparlanǵan.
«Qazirgi ýaqytta Agenttik aǵymdaǵy jaǵdaıǵa júıeli taldaý júrgizedi, strategııalyq mindetter men túpkilikti nátıjelerdi qalyptastyrady, reformalar úshin basym baǵyttardy aıqyndaıdy. Jumysqa Halyqaralyq valıýta qory, Dúnıejúzilik bank, Azııa damý banki, Islam damý banki, Eýropalyq qaıta qurý jáne damý banki, BUU damý Baǵdarlamasy, sheteldik ınvestorlar Keńesi sııaqty áriptes uıymdar tartyldy», - dep málimdedi Strategııalyq josparlaý jáne reformalar agenttiginiń baspasóz qyzmeti.
Budan basqa, reformalar paketin ázirleýge táýelsiz sarapshylar, kásipkerler qaýymdastyǵy, salalyq memlekettik organdar men zertteý ınstıtýttary tartyldy.
