«О́tken jyly elimizde turǵyn úı baǵasyna zeınetaqy qoryndaǵy jınaqty qoldaný múmkindigi áser etti. Sáıkesinshe, suranys birneshe esege artty. Bıyl da baıqaǵanymyzdaı turǵyn úıge degen suranys joǵary. Biz aldaǵy ýaqytta baspana baǵasy turaqtalady dep boljam otyrmyz. Bizdiń esepke sáıkes elimizde jyl saıyn shashamen 330 myń páter paıdalanýǵa beriledi. Sol kezde baǵa da turaqtalady degen oıdamyz», dedi Qaıyrbek О́skenbaev Ortalyq kommýnıkasııalar qyzmeti alańynda ótken baspasóz máslıhatynda.
Mınıstrdiń aıtýynsha, «Nurly jer» ulttyq jobasy boıynsha salynatyn úılerdiń baǵasy kóteriledi. Negizgi maqsat – qurylystyń sapasyn arttyrý. Al kommersııalyq naryqta úıdiń baǵasy tómendeýi múmkin. Sebebi 1 sáýirden keıin zeınetaqy jınaǵynyń bir bóligin paıdalaný kúrt azaıdy.
