Polisia.kz saıtynyń málimetinshe, Ishki ister mınıstrliginiń qyzmetkerleri esirtki jetkizý arnalarynyń jolyn kesý maqsatynda shekaralas memleketterdiń esirtkige qarsy vedomstvolarymen tyǵyz yntymaqtastyq uıymdastyrǵan. Almaty, Aqtóbe, Atyraý jáne Shyǵys Qazaqstan oblystarynda jarty jyl boıy esirtki satýshylardyń áreketin joıý boıynsha birlesken arnaıy operasııa júrgizilgen.
Departament bastyǵynyń mindetin atqarýshy Asqar Muhametqalıevtiń aıtýynsha, sońǵy jyldary sıntetıkalyq esirtki men ony óndirýge arnalǵan quramdas bólikter shekaralas memleketterden jetkizilgenin eskere otyryp, sheteldik áriptestermen yntymaqtastyqqa basymdyq berilgen. Osylaısha bıylǵy úsh aıda ǵana qazaqstandyq polıseıler osyndaı ózara is-qımyl sheńberinde 9 adamdy ustaǵan.
«Zańsyz aınalymnan segiz keliden astam sıntetıkalyq esirtki tárkilendi. 2022 jyldyń birinshi toqsanynda ishki ister organdary barlyǵy 695 esirtki qylmysyn, onyń ishinde asa iri kólemde esirtki zattaryn saqtaýdyń 133 deregi, kontrabandanyń 30 deregi, prıton ustaýdyń bes deregi anyqtaldy. Zańsyz aınalymnan tonnaǵa jýyq esirtki tárkilendi. Onyń ishinde 900 gramǵa jýyq geroın, 42 keliden astam sıntetıkalyq esirtki», delingen habarlmada.
