Tórt kúnge sozylǵan birinshilik jeńimpazdaryn marapattaý saltanatynda ýnıversıtettiń basqarma tóraǵasy – rektory Beıbitkúl Kárimova 2005 jyly ashylǵan boks úıirmesi talantty jastardyń top jarýyna múmkindik bergenin atap ótti.
– Bokstan Tokıo olımpıadasynyń júldegeri Qamshybek Qońqabaev, álem chempıonatynyń qola júldegeri, kásipqoılar arasynda birinshi orta salmaqta WBC International tujyrymdamasynyń chempıony Tursynbaı Qulahmet, Azııa chempıony Nurlan Másenov ýnıversıtet maqtanyshy, – dedi Beıbitkúl Sársemhanqyzy.
Oblystaǵy bilim berý uıymdarynan 16 salmaq dárejesinde 16 komanda qatysqan birinshilikte jalpykomandalyq esep boıynsha Qorqyt ata atyndaǵy Qyzylorda ýnıversıteti sportshylary 29 medal enshilep, birinshi oryn tuǵyrynan kórindi. Jalańtós Bahadúr atyndaǵy olımpıadalyq rezervtiń oblystyq mamandandyrylǵan mektep-ınternat-kolledji koman-
dasy II oryn, Bolashaq ýnıversıtetiniń komandasy III oryn ıelendi.
Sporttyq sharada álem chempıonatynyń qola júldegeri Tursynbaı Qulahmet ýnıversıtettiń «Úzdik túlek» medalimen marapattaldy.
QYZYLORDA
