Qyzylorda qalalyq Polısııa basqarmasyna qala turǵyny byltyr tanysy nesıe alýǵa kómek beremin dep, 2 mln 300 myń teńgeni aldap alǵany jóninde aryz túsirgen.
Sol kúni polısııaǵa alaıaqtyq deregi týraly taǵy bir aryz túsken.
Málim bolǵanyndaı, 2019 jyldyń naýryz-jeltoqsan aılarynda belgisiz azamatsha «úı alýǵa kómek beremin» dep aldaý-arbaý jolymen aqsha jymqyrǵan. Keltirilgen shyǵyn mólsheri - 8 mıllıon 350 myń teńge.
«Jedel-izdestirý sharalarynyń nátıjesinde polısııa qyzmetkerleri buryn sottalǵan 50 jastaǵy qala turǵynyn qolǵa túsirdi. Atalǵan derekter boıynsha QR Qylmystyq Kodeksiniń 190-babynyń 3-bóligimen sotqa deıingi tergep-tekserý áreketteri júrgizilýde. Onda birneshe ret jasalǵan alaıaqtyq jaǵdaıy kórsetilgen. Kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy», dep málim etti Qyzylorda oblystyq polısııa departamentinen.
Eske salsaq, budan buryn Qyzylordada bóten bireýdiń atyna onlaın nesıe rásimdegen 64 alaıaq ustalǵan bolatyn.
