Shırek fınalda otandastarymyzdyń joly Aýstralııa quramasymen qıysty. Aııa Nupbaı men Asyljan Arystanbekova jekeleı synda qarsylastaryna ese jiberdi. Juptyq synda jeńilip jatqan aýstralııalyqtar básekeni jalǵastyrýdan bas tartty. Soǵan qaramastan, olar 2:1 esebimen jeńiske jetti. Endi qyzdarymyz О́zbekstan qurama komandasymen besinshi oryn úshin talasady. Sondaı-aq dál osy qalada 16 jasqa deıingiler arasynda Devıs kýbogynyń irikteý saıystary bastaldy. Bul básekelerde Qazaqstan namysyn Danır Qaldybekov, Ámir Oralhanov jáne Vıtalıı Zasepın qorǵaýda.
Al AQSh-tyń Charlston qalasynda jalaýy jelbiregen jarysta Qazaqstannyń eń tańdaýly eki tennısshisi ekinshi kezeńde súrindi. Elena Rybakına ýkraınalyq Angelına Kalınınadan utyldy – 4:6, 6:2, 4:6. Iýlııa Pýtınseva amerıkalyq Amanda Anısımovadan aılasyn asyra almady – 1:6, 2:6.
