Jarystyń bas júldesi úshin elordalyq Kırıll Gerasımenko men qaraǵandylyq Alan Qurmanǵalıev talasty. Bul oıynshylardyń ekeýiniń de baǵyndyrǵan belesteri óte kóp. Atap aıtsaq, 25 jastaǵy Kırıll elimizdiń birneshe dúrkin chempıony, birqatar halyqaralyq týrnırdiń jeńimpazy, Rıo Olımpıadasyna qatysýshy. Álemdik reıtıngte ol 37-orynda tur. 15 jastaǵy Alannyń da qol jetkizgen tabystary jeterlik. Qaraǵandynyń týmasy óz qatarlastary arasynda talaı dúbirli dodada daralanyp, dúnıejúzilik reıtıngte kósh bastady. Qos myqtynyń saıysy tájirıbeli Gerasımenkonyń paıdasyna sheshildi. Qurmanǵalıev kúmis alsa, shymkenttik Irısbek Artýkmetov pen tarazdyq Eskendir Harkı qola medaldy moıyndaryna ildi.
Qyzdar arasyndaǵy básekelerde qaraǵandylyq Záýresh Aqashevaǵa teń keler eshkim tabylmady. Fınalda ol shymkenttik Sarvınoz Mirqadyrovadan basym tústi. Erlerdiń juptyq saıysynda Alan Qurmanǵalıev pen Erık Reıter ozsa, qyzdar tartysynda Záýresh Aqasheva men Sarvınoz Mirqadyrova dara shyqty. Aralas juptardyń jarysynda Erık Reıter men Anastasııa Lavrovanyń asyǵy alshysynan tústi.
