Bilim jáne ǵylym mınstrliginiń málimetinshe, buǵan deıin ǵalymdardyń jalaqysy turaqty emes, konkýrstardyń nátıjesine baılanysty bolatyn. Endi qabyldanǵan zańnamalyq túzetýlerdiń arqasynda jetekshi ǵalymdardyń eńbekaqysy (1200 adam) bazalyq qarjylandyrýǵa qosyldy.
Bul rette ǵalymdarǵa tólenetin qosymsha avtorlyq syıaqynyń jalpy somasy –338 mln teńge boldy. Al ınnovasııalyq jobalardy satýdan túsken kiris 16,3 mlrd teńgege jetti.
Sonymen qatar 2021 jyly mınıstrlik «Úzdik zertteýshi» baıqaýyn ótkizip, onyń qorytyndysy boıynsha 50 jeńimpazdyń árqaısysy 6 mıllıon teńgeden aldy. Doktoranttardyń shákirtaqysy 2019 jylǵy 82 000 teńgeden bıyl 195 000 teńgege deıin ósti.
«Keıingi eki jylda mınıstrlik 130 jobany júzege asyrsa, onyń 120-sy satylymǵa shyqty. Ǵalymdarymyzdyń ǵylymı ázirlemelerin eksporttaý kólemi 346 mıllıon teńgeden asty. Otandyq ǵalymdardyń jobasy Qazaqstanda ǵana emes, Qytaı, Reseı, Túrkııa, Chehııa jáne taǵy basqa naryqta da suranysqa ıe», dedi mınıstrlik.
Bilim jáne ǵylym mınıstrligi kadrlyq áleýetti nyǵaıtýǵa, zertteýshi ǵalymdarǵa qajet jaǵdaı jasaýǵa basa nazar aýdaryp otyr. Basqarma ǵalym mamandyǵyn qarjylyq turǵydan tartymdy etý jáne mańyzdy ǵylymı ıdeıalardyń turaqtylyǵy men júzege asýyna kepildik berý boıynsha júıeli jumys júrgizedi.
Keıingi eki jylda jas ǵalymdardyń sany myń adamǵa ósti. 2018 jyly olar 8 myńǵa jýyq adam bolsa, 2021 jyly ǵylym salasynda 9200 jas jumysshy eńbek etip júr.
Aıta ketý kerek, Qazaqstanda barlyǵy 396 ǵylymı uıym bar. Olarda 22 665 adam jumys isteıdi. Olardyń 54%-y – áıelder.
