Parlament • 13 Sáýir, 2022

Májiliste Semeı ıadrolyq qaýipsizdik aımaǵy týraly zań jobalary talqylandy

347 ret

kórsetildi

1 mın

oqý úshin

Energetıka mınıstrligi «Semeı ıadrolyq qaýipsizdik aımaǵy týraly» jáne «Qazaqstan Respýblıkasynyń keıbir zańnamalyq aktilerine Semeı ıadrolyq qaýipsizdik aımaǵy máseleleri boıynsha ózgerister men tolyqtyrýlar engizý týraly» zań jobalaryn ázirlep, tanystyrdy, dep habarlaıdy Egemen.kz.

Arman MANARBEKULY

Májiliste Semeı ıadrolyq qaýipsizdik aımaǵy týraly zań jobalary talqylandy

foto: Zakon.kz

Zań jobasyna sáıkes burynǵy Semeı ıadrolyq synaq polıgonynda Semeı ıadrolyq qaýipsizdik aımaǵyn qurý josparlanǵan.

Zań jobasyn qabyldaýdyń negizgi maqsaty – radıasııalyq lastanǵan jáne taza jerlerdi bólý, lastanǵan ýchaskelerde radıasııalyq qaýipsizdikti qamtamasyz etý, aýmaqty ońaltý jáne polıgon jerlerin paıdalaný máselelerinde memlekettik baqylaýdy kúsheıtý.

Mınıstrlik keshendi ekologııalyq tekserý jáne memlekettik ekologııalyq saraptama nátıjeleri boıynsha anyqtalǵan lastanǵan ýchaskelerde mamandandyrylǵan aımaq qurý josparlanǵanyn da atap ótti.

«Semeı ıadrolyq qaýipsizdik aımaǵy týraly» zań jobasynda:

burynǵy Semeı synaq polıgony jerlerinde jáne normatıvten tys radıoaktıvti lastanýǵa ushyraǵan irgeles aýmaqtarda «Semeı ıadrolyq qaýipsizdik aımaǵy» arnaıy aımaǵyn qurý;
radıoaktıvti lastanýdyń taralýyn shekteý;
polıgon aýmaǵynda tarıhı paıda bolǵan radıoaktıvti qaldyqtardy jınaý, ornalastyrý jáne kádege jaratý arqyly Semeı ıadrolyq qaýipsizdik aımaǵynyń aýmaǵyn ońaltý;
Semeı ıadrolyq qaýipsizdik aımaǵyndaǵy radıoaktıvti lastaný deńgeıine úzdiksiz monıtorıng júrgizý.

Qaraý qorytyndysy boıynsha zań jobasy maquldanyp, ári qaraı qaraý úshin Parlament Májilisiniń jumys tobyna joldandy.