Qoǵam • 13 Sáýir, 2022

Elimizde dári-dármek baǵasy qymbattady

Qazaqstanda farmasevtıkalyq ónimder men preparattar óndirisi bir jylda 17%-ǵa ósti. Sondaı-aq sektordaǵy bólshek saýda baǵalary bir jylda 6%-ǵa ósken, dep habarlaıdy Egemen.kz.

Egemen Qazaqstan

Sarapshylardyń derekteri boıynsha, 2022 jyldyń qańtar-aqpan aılarynda elimizde farmasevtıkalyq ónimder 28,6 mlrd teńgege óndirildi. Bul ótken jylmen salystyrǵanda qundyq mánde 11,5%-ǵa ósken.

Osy jyldyń eki aıynyń qorytyndysy boıynsha dári-dármek shyǵarý 24,7 mlrd teńgeni qurady. Bul kórsetkish bir jyl burynǵyǵa qaraǵanda 21,7%-ǵa artyq. О́zge farmasevtıkalyq taýarlar 3,3 mlrd teńgege óndirildi.

Sarapshylardyń aıtýynsha, tańý jabysqaq materıaldary, ketgýt jáne osyǵan uqsas materıaldar, sondaı-aq alǵashqy kómek kórsetý dári qobdıshalary (49,8% - ǵa, 34 tonnaǵa deıin), dıagnostıkalyq reagentter men ózge de farmasevtıkalyq preparattar (38,6 ese, 133,2 tonnaǵa deıin) óndirisi artty.

О́ndiristiń ósý aıasynda sektordaǵy ımport qysqarýda. Máselen qańtar aıynyń qorytyndysy boıynsha elge 64,4 mln dollar somasyna 1,8 myń tonna dári-dármek jetkizildi.

TMD elderinen somasy 8,4 mln dollarǵa 567,4 tonna dári-dármek ákelindi. Munda ımporttyń negizgi kólemi Reseıge tıesili. Negizgi jetkizýshilerdiń úshtiginde О́zbekstan men Belarýs ta bar.

TMD quramyna kirmeıtin elderden Qazaqstan 56 mln dollar somasyna 1,2 myń tonna dári-dármek ákeldi. Munda Qazaqstan úshin negizgi jetkizýshi Qytaı boldy: 263,4 tonna dári-dármek bir jyl burynǵyǵa qaraǵanda 48,3% - ǵa az. Kóshbasshylar úshtigine Germanııa men Úndistan da kirdi.

Sondaı-aq zertteýshiler málimdegendeı, Qazaqstannyń ishki naryǵyndaǵy farmasevtıkalyq preparattardyń bólshek saýda baǵasy 2022 jylǵy naýryzdyń qorytyndysy boıynsha bir aıda 1,7% - ǵa, jyl basynan 3,7% - ǵa jáne bir jylda 5,8% - ǵa ósti.

Jyldyq kórsetkish boıynsha eń qymbat baǵa Shymkent (plıýs 12,1%), Aqmola (plıýs 10%) jáne Almaty (plıýs 9,3%) oblystarynda. Baǵanyń eń tómengi ósimi Pavlodar oblysynda tirkelgen, jylyna 2,9% - ǵa ǵana artqan.

Aıana Toǵanbek

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz