«Búgingi tańda respýblıka boıynsha qyryqqabat qory 20 myń tonnany quraıdy. Bul kólem aldaǵy ýaqytta Túrkistan oblysynda kútilip otyrǵan erte qyryqqabatty jınaý bastalǵanǵa deıin ishki qajettilikti qamtamasyz etý úshin jetkilikti. Bıyl erte qyryqqabat alqaby 8 myń gektardy qurady, bul shamamen 170 myń tonna qyryqqabat jınalatynyn bildiredi. Bul kólemder ishki naryqty jabý úshin de, belgili bir kólemderdi naryqtarǵa eksporttaý úshin de jetkilikti», dedi QR AShM agroazyq-túlik naryǵy jáne aýyl sharýashylyǵy ónimderin qaıta óńdeý departamentiniń dırektory Nazgúl Hatepova.
Onyń aıtýynsha, oblys ákimdikteri Túrkistan oblysynyń fermerlerimen óńirlerge 3,5 myń tonna qyryqqabat jetkizý týraly kelisimsharttar jasaǵan.
Sonymen qatar departament dırektory atap ótkendeı, maýsymaralyq kezeńde, ıaǵnı jyl basynda kókónister baǵasynyń ósýi dástúrli túrde baıqalady.
«Baǵanyń ósýi boldy, biraq qyryqqabat ishki naryqqa erte túsken sátten bastap baǵa turaqtanady dep kútemiz. Jalpy, qazirgi ýaqytta ishki naryqta qyryqqabat tapshylyǵy baıqalmaıdy», dedi Nazgúl Hatepova.
