Monoqalada aýqymdy jumys atqaryldy

Oblys ortalyǵynyń irge­sindegi Kentaý qalasynyń tur­ǵyndary kópten kútken másele sheshilip, qalaǵa gaz berildi. Qazirgi tańda «kó­gildir otynmen» qalanyń 18 200 abonenti qamtyldy. Qal­ǵan turǵyndar kezeń-keze­ńimen kúz aılaryna deıin qo­syla bastaıdy. Endi aldaǵy 2 jylda qalaǵa qarasty qal­ǵan 4 aýylǵa tabıǵı gaz tar­tylady dep kútilýde. Ken­­taý qalasynyń ákimi Rashıd Aıýpov qalany gazdandyrý bo­ıyn­sha tynymsyz jumys iste­gen jumysshylardyń eńbegin baǵalap, qurmet kórsetti.

«Ýaqytpen sanaspaı, qa­laǵa gaz kirgizý jumysyn kún­diz-túni toqtaýsyz júrgizgen eńbek­terińiz orasan. Tyndy­rymdy tirlikterińiz arqyly gaz qalaǵa biz josparlaǵan ýaqyttan erte qosyldy. Mu­nyń barlyǵy da eńbektiń ar­qasy», dedi qala ákimi.

Al oblys ákimi О́mirzaq Shókeev Kentaýdaǵy Sh.Qal­daıa­qov atyndaǵy mádenıet saraıynda turǵyndarmen kez­desýde monoqalanyń báse­ke­ge qabilettiligi artatynyn, oǵan tolyq múmkindik ba­ryn atap ótti. Sondaı-aq bul kúni Kentaý qalasyndaǵy Tur­kistan arnaıy ekonomıkalyq aıma­ǵynda ornalasqan «Túrkistan temirbeton» zaýyty óz jumy­syn bastady. О́ndiris orny turǵyn úıge arnalǵan 10-ǵa jýyq túr­li temirbeton ónim­derin shyǵarady. Aıta keteıik, ın­ves­tısııanyń jalpy kólemi – 1,2 mlrd teńge, osy sátke deıin 700 mln teńge oryndalǵan. Jańa 60 jumys ornyn ashý josparlanǵan. Zaýytta jabyndylar, rıgel, úılerdiń irge tasyn qalaýǵa arnalǵan blok­tar, baǵanalar, jol boıy­na qoıylatyn bordıýrler shy­ǵarylmaq. Zaýyttyń jo­balyq qýattylyǵy – jylyna shamamen 80 myń sharshy metr temirbeton. Shıkizattyń basym bóligi Kentaý qalasynan alynady. Shyǵarylǵan ónim­dermen Túrkistan oblysyn qamtý jos­parlanýda.

Jańa zaýyttyń jumysy­na sáttilik tilegen oblys ákimi О́mirzaq Shókeev óndiristi da­mytý baǵytynda jumys kú­sheıetinin aıtty. «Byltyr eko­nomıkanyń damý qarqyny +4%-dy qurady, ónerkásip óniminiń kólemi 3,6%-ǵa artyp, 707,8 mlrd teńgeni qu­­rady. 186,6 mlrd teńgeni qu­raıtyn 34 ınvestısııalyq jo­ba iske qosyldy. Jalpy, oblys ortalyǵynyń Túrkistan qalasyna aýysýy Kentaýdyń damýyna úlken serpin berdi. Bul shahar men úshin óte ys­tyq. Máselelerin de jaqsy bile­min. Sondyqtan ony damytý – azamattyq paryzym. О́tken jyly Kentaý qalasyn da­mytýǵa 1,3 mlrd teńge qar­­jy bólindi. Kópqabatty úıler jańǵyrtýdan ót­ti. «Qyzylásker» avtomat­tan­dy­rylǵan gaz stasasyn iske qosý jumystary aıaqtalyp, qala turǵyndaryn tabıǵı gazǵa qosý múmkindigi paıda boldy. Shahtanyń sýyn tómendetý ju­mystary júrgizilýde. Bıyl qa­lany damytýǵa 1,6 mlrd teńge baǵyttalyp otyr. Ken­taý qala­sy aýma­ǵyn­daǵy áleý­mettik-ınfra­qu­ry­lymdyq má­se­lelerdi júıeli túrde keze­ńi­men sheshetin bolamyz», dedi О́.Shókeev.

Kezdesýde turǵyndar ınfra­qurylym, onomas­tıka, jumys oryndaryn kó­beıtý, jol, bas­panamen qam­tý, balalar oıyn alańsha­la­ryn salý, jastardy «Ser­pin» baǵdarlamasyna engi­zýge yqpal etý jáne ózge de má­selelerdi kóterdi. Ob­lys áki­mi turǵyndardyń ótinish­teri men suraqtaryn tyńdap, zań aıasyn­da keńes berdi. Bir­qatar túıt­kildi sheshý bo­ıynsha jaýapty basqarma bas­shylary men qala ákimine naqty mindetter júktedi.

Túrkistan oblysy