Sport • 14 Sáýir, 2022

Ýelsten de utyldyq

33 ret kórsetildi

Fýtboldan 2023 jyly Aýstralııa men Jańa Zelandııada jalaýy jelbi­reı­tin áıelder arasyndaǵy álem chem­­­pıonatynyń irikteý týrnıri jal­ǵasýda.

Eýropadaǵy jarystyń I tobynda óner kórsetetin Qazaqstan quramasy Nur-Sultanda Ýelsti qabyldady. Qonaqtar damylsyz shabýyldar uıymdastyrǵanymen, alǵashqy ýaqytta bizdiń qyzdar jaqsy qorǵana bildi. Biraq jarty saǵat ótken soń olardyń kúshteri sarqyla bastady. 30-mınýtta Keılı Grın esep ashsa, birinshi taım aıaqtalar tusta Natasha Hardıng ekinshi dopty qaqpaǵa toǵytty. Úzilisten keıin de Ýels fýtbolshylarynyń basymdyǵy anyq baıqaldy. 65-mınýtta Djessıka Fıshlok nysanany dál kózdep, machtyń sońǵy núktesin qoıdy. Esep – 0:3.

I tobynda Fransııa quramasy jeke-dara kósh bastap tur. Barlyq jeti kezdesýde jeńiske jetken olar 21 upaıǵa ıelik etýde. Ekinshi oryndaǵy Ýelstiń basty qarsy­lasynan bes upaıy kem. Olar fransýzdardan bir oıyn artyq ótkizdi. Odan keıingi satylarǵa Slovenııa (14 upaı) men Grekııa (10 upaı) jaıǵassa, qatarynan jeti matchta jeńilistiń kermek dámin tatqan Qazaqstan Estonııamen birge kósh sońynda keledi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar