Asa jeńil salmaqta túrkistandyq Nurasyl Asambektiń asyǵy alshysynan tústi. Asa shıelenisti ótken fınaldyq saıysta ol aqtóbelik Erhan Medelbaıdan aılasyn asyrdy. 71 kılo salmaqta dál sol óńirdiń ókili Bekarys Baqytjannyń baǵy jandy. Sheshýshi básekede Bekarys qyzyljarlyq Álisher Joldasbaıdy jeńdi. Shyǵys Qazaqstan oblysynyń jas órenderi de bas júldeniń ekeýin oljalady. Onyń ıegerleri – Daryn Áskerbek (55 kılo) pen Aıqyn Bolatuly (65 kılo). Dál sol sekildi Qaraǵandydan kelgen qyrandar arasynan Ashab Hadjıev (80 kılo) pen Álıhan Qusaıynovtyń (110 kılo) mereıleri ústem boldy.
Al ózge salmaq dárejelerinde aqmolalyq Ramıl Rasım (48 kılo), jambyldyq Nurdanat Aıtanov (51 kılo), aqtóbelik Aqarys Qalıev (60 kılo) jáne mańǵystaýlyq Kamıl Krýglıev (92 kılo) syndy balýandar jeńis tuǵyrynyń eń bıik satysyna kóterildi.
