Atap ótilgendeı, qujat Memleket basshysynyń «Jańa Qazaqstan: jańarý men jańǵyrý joly» atty Qazaqstan halqyna Joldaýy aıasynda ázirlendi.
Qazaqstanda quqyq qorǵaý qyzmetiniń tıimdiligin arttyratyn jáne normatıvtik quqyqtyq aktilerdiń QR Konstıtýsııasyna sáıkestigin qamtamasyz etýge yqpal etetin ókilettikterdi berý usynylady.
Atap aıtqanda, adam quqyqtary jónindegi ýákildi uıymdastyrý tártibi men qyzmetine jáne onyń mártebesin arttyrýǵa qatysty negizgi erejelerdi qaıta qarastyra otyryp, Quqyq qorǵaý quraldarynyń modelin ózgertýdi kózdeıtin «Qazaqstan Respýblıkasyndaǵy Adam quqyqtary jónindegi ýákil týraly» jańa Konstıtýsııalyq zań ázirleý josparlanýda.
«Qazaqstan Respýblıkasyndaǵy Adam quqyqtary jónindegi ýákil týraly» Konstıtýsııalyq zańynda kelesi máseleler qamtylýy tıis:
- Adam quqyqtary jónindegi ýákildiń quqyqtyq mártebesi, qyzmetke saılaý jáne qyzmetten bosatý tártibi;
- Adam quqyqtary jónindegi ýákildiń quzyreti jáne ony júzege asyrýdyń uıymdastyrýshylyq nysandary;
- Azamattardyń shaǵymdaryn qaraýdyń quqyqtyq negizderi jáne ótinishterdi Konstıtýsııalyq Sotqa joldaýdyń negizderi;
- Adam quqyqtary jónindegi ýákildiń ótinishteri boıynsha qoldanylyp júrgen zańdar men ózge de quqyqtyq aktilerge konstıtýsııalyq baqylaý engizý;
- Adam quqyqtary jónindegi ýákildiń jáne onyń oblystaǵy, respýblıkalyq mańyzy bar qaladaǵy, elordadaǵy ókiliniń, adam quqyqtary jónindegi ulttyq ortalyqtyń qyzmetin uıymdastyrý;
- Adam quqyqtary jónindegi ýákil men adam quqyqtary jónindegi ulttyq ortalyqtyń qyzmetin uıymdastyrý jáne qamtamasyz etý máseleleri.
Kózdelgen maqsat:
- Azamattardyń konstıtýsııalyq baqylaýǵa qol jetimdiligin keńeıtý;
- Adamnyń jáne azamattyń buzylǵan quqyqtary men bostandyqtaryn qalpyna keltirý;
- Zańdar men ózge de normatıvtik quqyqtyq aktilerdiń Konstıtýsııaǵa sáıkestigin qamtamasyz etý;
- Konstıtýsııanyń zańnamadaǵy jáne quqyq qoldanýdaǵy jasampazdyq áleýetin jan-jaqty ashý, qoldanystaǵy quqyqtyń sapasyn arttyrý;
- Adam quqyqtary jónindegi ýákildiń quqyq qorǵaý quraldaryn kúsheıtý;
- Qoǵamnyń jáne memlekettik apparattyń konstıtýsııalyq-quqyqtyq mádenıetiniń deńgeıin, azamattardyń memlekettik ınstıtýttarǵa senimin arttyrý.
Qujat 11 mamyrǵa deıin Ashyq NQA saıtynda jarııa talqylaý úshin ornalastyrylǵan.
