Kezdesýde sala mamandary bıogýmýs bıznesi boıynsha tájirıbemen bólisip, qatysýshylarǵa kásipti qalaı bastaý kerektigin egjeı-tegjeıli baıandap berdi.
«Jumyspen qamtý ortalyǵy arqyly beriletin grant alýshylarǵa osy jobany engizip, halyqtyń áleýmettik jaǵdaıyn jaqsartýǵa jáne oblys deńgeıinde pılottyq joba retinde júzege asyrýdy usynamyz», deıdi aýdandyq kásipkerlik bóliminiń basshysy Fatıma Qaıymqyzy.
Búginde bıogýmýsqa qajetti shıkizat aýyl turǵyndarynyń aýlasynan kóptep tabylady. Endi sony kádege jaratyp, tórt túliktiń kóńine shylaýshyn qosyp, qarashirikke, ıaǵnı, organıkalyq tyńaıtqyshqa aınaldyrý arqyly egistik jerdiń qunaryn arttyrýǵa bolady. Jerdiń qunarlyǵy artyp, ol 3 jylǵa saqtalady. Bul birinshi kezekte shetten keletin hımııalyq tyńaıtqyshtarǵa táýeldilikti azaıtady.
Qazirgi tańda aýdan kóleminde 15-ke jýyq azamat osy sharýashylyqpen aınalysyp jatyr. Aýdan ákiminiń tapsyrmasyna oraı bolashaqta bul kásip túrin barlyq aýyl, eldi mekenderde júzege asyrý kózdelip otyr.
