Bank kartalaryn ustaýshylarǵa qaıtalanatyn nómirlerden qońyraýlar túsedi. Alaıaqtar baǵdarlamalyq qamtamasyz etýdi paıdalanyp, bankterdiń resmı call-ortalyqtarynyń nómirlerin kóshirip, karta ustaýshylarǵa qońyraý shalady. Sóılesý kezinde ózderin «bank qyzmetkerimiz» dep tanystyrady. Bank qyzmetkeriniń rólin sheber oryndaı otyryp, alaıaqtar bank kartasy boıynsha alaıaqtyq operasııalar júrgizilip jatqanyn nemese bireý nesıeni rásimdeýge tyrysyp jatqanyn habarlaıdy. Áńgimelesý kezinde jeke derekterdi, karta derektemelerin jáne SMS-parolderdi suraıdy. Mobıldi bankıngti paıdalanbaıtyn jáne paıdalaný daǵdylary joq adamdarǵa AnyDesk qosymshasyn júkteý usynylady.
Bul baǵdarlama kompıýterge nemese telefonǵa qashyqtan qol jetkizýge arnalǵan. Iаǵnı, qosymshany uıaly telefonǵa júkteceńiz, qashyqtan basqarý úshin alaıaqtarǵa jol ashylady. Alaıaqtardyń sózine aldanǵan azamattar óz attaryna nesıe rásimdep, aqshalaryn sheteldik shottarǵa aýdarady.
Osy jyly atalǵan shemanyń áreketinen elordanyń 500-den astam turǵyny zardap shekti. Jalpy materıaldyq shyǵyn 150 mıllıon teńgeden asady. Barlyq faktiler boıynsha Qazaqstan Respýblıkasy Qylmystyq Kodeksiniń 190-baby (Alaıaqtyq) boıynsha tergeý júrgizilýde.
Aıana Toǵanbek
