Jas otbasylar alleıasy

Kópshilik tarapynan qoldaý tapqan ıgi bastamany kóterip júrgen «Janashyr bol» qoǵamdyq qory eken.

– Búgin otyrǵyzylǵan kóshetter tamyry bekip, boılap óskenshe sýary­p, kútimge alý jaǵyn bizdiń eriktiler óz moıyndaryna alyp otyr. Bıyl otyrǵyzylǵan otyz shaqty kóshet, osyndaı ıgi sharalar jıi bolyp tursa, jyl saıyn kóbeıip, aldaǵy ýaqytta úlken saıabaqqa aınalar degen úmitimiz bar. Ásirese kóktemde bas qosyp, shańyraq kótergen jas otbasylar osy jerge kelip eki túp aǵash otyrǵyzýdy dástúrge aınaldyrady degen oıdamyn, – dedi qordyń tóraıymy Sábına Raspekova.

Is-sharaǵa atsalysqan árbir otbasy ózderi otyrǵyzǵan qos túp aǵashtyń janynda estelik sýretke túsip, aǵash ósip turǵan oryndy keıin adaspaı taýyp alatyndaı etip belgi qoıyp jatty. Byltyr ǵana shańyraq qurǵan erli-zaıypty Rýslan Iаsmenko men Anna Smırnova úsh túp aǵash otyrǵyzypty.

– Mundaı sharalarǵa alǵash ret qatysyp otyrmyz. Birin­shi­den, ózimizdiń qorshaǵan ortany ja­syl­dandyrýǵa atsalys­qa­nymyzǵa qýanamyz. Ekinshiden, keleshekte bala-shaǵa­myzdy osy jerge ertip kelip, ózimiz otyr­ǵyz­ǵan aǵashtardy kór­se­tip, olarǵa óz isimizdi úlgi-ónege etemiz, – deıdi Rýslan Iаsmenko.

Neco qoǵamdyq qorynyń je­tekshisi Naýryzbek Birmaǵam­betovtiń aıtýynsha, Jas otbasylar alleıasyna keleshekte qaıyń­­nan bólek ár túrli aǵash kóshe­t­terin otyrǵyzǵan abzal. Jalpy, bıyl oblys aýmaǵyn jasyl­­dan­dyrýǵa 700 mln teńge bólinip otyr.

Qostanaı oblysy