Saltanatty is-sharaǵa Pedıatrııa ortalyǵynyń basshylyǵy men ujymy, áriptesteri men urpaqtary qatysty.
Qurmet belgisiniń dál osy Hırýrgııa bóliminde ornalasýy tegin emes. О́ıtkeni Nurlan Nurkınuly bólim ashylǵan 1994 jyldan beri Hırýrgııa bólimin abyroımen basqaryp keldi. Sodan beri taban aýdarmaı osy bólimde 28 jyl qyzmet etti. Akademık Kamal Sarýáruly Nurlan Nurkınulynyń bólim basshysy etip ózi taǵaıyndaǵan bolatyn.
Saltanatty sharanyń ashylýynda Pedıatrııa jáne balalar hırýrgııasy ǵylymı ortalyǵynyń basshysy Rıza Boranbaeva: «Nurlan Nurkınuly Hırýrgııa bóliminiń alǵashqy ujymyn ózi quryp, ortalyqta balalar hırýrgııasy salasyn damytýǵa zor úles qosty. Ol 10 myńnan asa operasııa jasap, myńdaǵan balanyń ómirin alyp qaldy. Nurlan Nurkınuly eń aýyr, kúrdeli degen operasııalardy jasady. Onyń esimin búkil qazaq eli biledi. Dárigerdi elimizdiń ár aımaǵynan arnaıy izdep keletin. Nurlan Nurkınuly balalardy emdeýmen qatar, bilim men ǵylymǵa erekshe nazar aýdardy. Ǵylym reıtıngisi boıynsha Hırýrgııa bólimi uzaq jyldardan beri tek birinshi orynda turdy. Ol jańa ǵylymı tyń ıdeıalardyń generatory, jańashyldyqqa umtylǵan jarqyn da daryndy tulǵa boldy. Ol birneshe býyn bilikti hırýrgtardy, myqty mamandardy tárbıelep shyǵardy. Onyń kópshiligi búginde joǵary basshylyq laýazymda qyzmet etedi. Ortalyqta Nurlan Ahparov mektebiniń negizi qalanǵan edi. Al 22 sáýir kúni Nurlan Nurkınulyn eske alý qurmetine arnalǵan «Jas zertteýshi: zamanaýı pedıatrııa jáne balalar hırýrgııasy damýynyń syn-tegeýrini men keleshegi» atty jas ǵalymdardyń halyqaralyq ǵylymı-tájirıbelik konferensııasy ótti. Oǵan Reseı, Ázerbaıjan, О́zbekstan, Qyrǵyzstan jáne elimizdiń ár aımaǵynan jas hırýrgtar keledi», dep atap ótti.
Shara barysynda kóp jyl birge qyzmettes bolǵan áriptesteri men shákirtteri óz estelikterimen bólisti.
«Nurlan Nurkınulymen biz 30 jyldan asa birge qyzmet ettik. Men ǵylym boıynsha dırektor orynbasary qyzmetin atqarǵan jyldary ol kandıdattyq jáne doktorlyq dıssertasııasyn qorǵady. Búkil zertteýler men operasııalardy ózi jasady. Nurlan Nurkınulynyń arqasynda Hırýrgııa bólimi bedeldi bólimge aınaldy. Ol óte jaýapkershiligi mol, óz isine adal, kóńili darhan, júregi taza, keń peıildi jan edi. Tárbıesi men mádenıettiliginiń arqasynda dárigerlerdiń aǵa býynyna da, jas býynǵa da erekshe qurmetpen, iltıpatpen qaraıtyn. О́ziniń bar bilgenin jastarǵa úıretýden jalyqpaıtyn. Búginde onyń shákirtteri ol biletin barlyq hırýrgııalyq em-domdardy meńgergen. Ol akademık Kamal Sarýárulynyń súıikti shákirti edi. Nurlan Nurkınuly maǵan baýyrymdaı boldy, únemi qamqorlyǵyn, qurmetin kórsetip júretin», dep eske aldy Pedıatrııa ortalyǵynyń professory, onkogematolog dáriger Kýlıan Omarova.
О́z kezeginde Nurlan Nurkınulynyń jubaıy men urpaqtary jyly lebizder men kórsetilip jatqan qurmet úshin, shara uıymdastyrýshylary men ortalyq basshylyǵyna sheksiz rızashylyqtaryn bildirdi.
Bar ǵumyryn balalar saýlyǵyna arnap, bar kúsh-qaıratyn mamandar daıyndaýǵa, ǵylymǵa jumsap, jankeshti eńbek etken birtýar tulǵanyń baǵalanǵany oryndy. Búgingi eskertkish taqtanyń ashylýy Nurlan Nurkınulyn otandyq ǵylym men bilimge, medısına salasyna qosqan zor úlesine degen qurmettiń aıqyn kórinisi.
