foto: Zakon.kz
qazaqstan.tv bergen aqparatqa saı, aýyly aralas, qoıy qoralas jatqan qos aýdannyń máselesin birjola sheshý úshin, jańa sý qoımasy kerek.
Kaztalovta on shaqty aýyldaǵy 11 myńdaı halyq aýyz sýdy osy Qaraózennen iship otyr. Al bógetter topyraqtan úıilip, qoldan jasalǵan. Gıdroqurylǵy, qaqpalar atymen joq. Janjal oblysqa jetip, shý kóterilgen soń, bóget ashyldy.
«О́zenge Reseı Federasııasyndaǵy Prıýzensk sý qoımasy arqyly 24-25 tekshe metrdeı sý júrip jatyr. Onyń basy 49 m3/sekýndqa deıin kóterilgen bolatyn. Qazir Jıesh arqyly Saryshyǵanaq sý qoımasyna sý jiberý jumysy júrgizilýde», dedi Erkebulan Ermuhanov, «Qazsýshar» RMK BQOF Kaztalov aýdandyq ýchaske basshysy.
Tegin kelgen yrysty ysyrapsyz jınap alý úshin jańa sý qoımasy salynyp, bógetterde gıdroqondyrǵy, sý eseptegish ornatylýy qajet. Biraq bıyl josparlanǵan Jalpaqtal sý qoımasynyń jobalyq-smetalyq qujattamasy áli jasalmapty. Bul is ilgerilemeı, jyl saıynǵy janjaldyń qaıtalana bereri anyq.
«Tasqyn sý mynaý kelip jatqan. Negizi byltyr komıssııa qurǵanda 50/50 etip, Jalpaqtal men Jańaqala bólisip alýy kerek dep sheshti. Onymen kelgen sý Jalpaqtalda bir aptadaı ustalyp qaldy. Tek úsh kúndeı boldy ashylǵanyna. Jańa-jańa basy túsip jatyr. Kútip otyrmyz sýdy», dedi Erbol Tóleýǵalıev «Qazsýshar» RMK BQOF Jańaqala aýdandyq ýchaske basshysy.
