«Bıylǵy birinshi toqsannyń qorytyndysy boıynsha, Qazaqstanda ishki jalpy ónimniń ósýi 3-4% qurady. Qańtar oqıǵasynan keıin ıaǵnı aqpannan bastap ekonomıkanyń kóptegen salasynda oń úrdis baıqaldy. Bazalyq mólsherlemeniń qazirgi deńgeıi ekonomıkanyń ornyqty ósýi úshin qajetti alǵyshart jasaıdy dep kútemiz. Ekonomıkalyq belsendilik kredıtteýdiń kólemine qaraı bekı tústi. Máselen, birinshi toqsanda ekonomıkaǵa berilgen jańa kredıtterdiń kólemi ótken jyldyń osy kezeńimen salystyrǵanda 25,3%-ǵa joǵary. Onyń ishinde bızneske berilgen kredıtterdiń kólemi 19,6%-ǵa, halyqqa berilgen kredıtterdiń kólemi 32,5%-ǵa ulǵaıdy», dedi Ǵalymjan Pirmatov Ulttyq bankte ótken baspasóz máslıhatynda.
Bank basshysynyń aıtýynsha, bazalyq stavkany kóterý kredıt berý talabyna esh áser etpeıdi.
«Budan bylaı bank sektory áleýetti birigýler men qosylýlarǵa, sondaı-aq halyqtyń tutynýshylyq áreketten jınaqtaý áreketine aýysýyna baılanysty qalyptasqan jaǵdaılar men ózgeristerge beıimdelýin jalǵastyrady. Ekonomıkanyń oń serpini jaǵdaıynda fıskaldyq saıasat arqyly suranysty qosymsha yntalandyrý josparlanyp otyr, ol jýyq arada proınflıasııalyq qysymdy kúsheıtedi. Respýblıkalyq bıýdjet shyǵystary ótken úsh jylda ortasha ósý qarqyny 16,7% bolǵan kezde 2022 jyly 23,6%-ǵa ósip otyr», deıdi ol.
