oblysy ákiminiń orynbasarlary men basqarma basshylary, joǵary oqý oryndarynyń rektorlary, 30 jobanyń seriktes mekemeleri, qoǵamdyq jáne úkimettik emes uıymdardyń ókilderi, oblystyq, qalalyq ardagerler keńesi men aqsaqaldar alqasynyń ókilderi, qala turǵyndary, ýnıversıtet ujymy men stýdentter qatysty. Ýnıversıtet rektory Janar Temirbekova oqý ornynyń qýanyshyna ortaqtasyp kelgen árbir janǵa rızashylyǵyn bildirip, 30 jobanyń maqsattary men mindetterine toqtaldy. «Ýnıversıtettiń negizgi mıssııalary – bilim berý jáne ǵylym-ınnovasııany damytý. Biraq taǵy bir mańyzdy mıssııa bar – qoǵamǵa paıdaly bolý. Búgin sizderge tanystyrǵaly otyrǵan 30 joba osy ıdeıa negizinde paıda bolǵan. San salany qamtıtyn bul jobalardyń maqsaty: ýnıversıtettiń materıaldyq-tehnıkalyq bazasyn nyǵaıtý, bilim berý sapasy men ǵylymı áleýetti jáne oblys pen qala halqynyń kásibı biliktiligin arttyrý», dedi rektor. Al rektor ókili Jengız Tomar men vıse-rektorlar ár jobany jeke tanystyrdy. Joba týraly ıdeıa qaıdan shyqqany, qansha qarajat ketkeni, qandaı seriktestermen jumys atqarylǵany týraly tolyq ári ashyq aqparat berdi.
Mańyzdy 30 joba quramynda «Ana jurttan ata jurtqa – densaýlyq kópiri», «Ana jurttan ata jurtqa – bilim kópiri: 100 oqýlyq», «Ana jurttan ata jurtqa – «Altyn bilezik» kásibı bilim kýrstary» jáne Teologııa fakýltetin ashý, «Iаsaýı kóktemgi mektebi», «Turaqty damý ǵylymı-zertteý ortalyǵy», ýnıversıtettiń 300 stýdentiniń Túrkııa Respýblıkacyna jazǵy mektepke jiberilýi, 100 stýdenttiń Túrkııada týrızm salasy boıynsha taǵylymdamadan ótýi syndy jáne taǵy basqa da mańyzdy jobalar bar. Qazirgi tańda bul jobalar kezeń-kezeńimen júzege asyrylyp keledi.
Tanystyrylym rásimi konserttik baǵdarlama formatynda ótip, ónerpazdar bı bıledi, án aıtty, aspaptarda oınap, kúı tartty.
