Kóbelektiń mundaı túrin Qaraǵandy dalasynan Toraıǵyrov ýnıversıtetiniń entomology Sergeı Tıtov jáne onyń Qazaqstan bıoalýantúrlilikti saqtaý qaýymdastyǵy men Ǵylym komıtetine qarasty Zoologııa ınstıtýtyndaǵy áriptesteri ashty.
«Buryn Catocala helena Reseıdiń Qıyr Shyǵysynda, Koreıada, Qytaıda jáne Mońǵolııada jalpaq japyraqty ormandarda ómir súrgen. Sońǵy jyldary ol Zabaıkalede, Batys Sibirde baıqala bastady jáne Qazaqstandy aınalyp ótip, Catocala helena Ońtústik Oralǵa jáne Reseıdiń eýropalyq bóligine Edil boıyna jetti. Alaıda qazir bizdiń zertteýlerimiz kóbelekterdiń bul túri Qazaqstanda da paıda bolǵanyn kórsetip otyr. Biz bul ınvazıvti túrdiń bolashaqta Qazaqstan tabıǵatyna qalaı áser etýi múmkin ekenin anyqtaý úshin Catocala helena-nyń ári qaraı elimizdiń aýmaǵynda da, shetelde de ómir súrý saltyn baqylaımyz», deıdi Sergeı Tıtov.
Sondaı-aq ǵalymdar Catocala helena-nyń nelikten Shyǵystan Batysqa qaraı qonys aýdara bastaǵanyn jáne buǵan deıin bizdiń faýnamyzǵa belgisiz basqa ınvazııalyq jándikter osy kóbelekterge ilese me, joq pa, sony anyqtaýmen aınalysyp jatyr.
