Baǵdarlama sheńberinde el joldarynyń boıynda 11500-ge jýyq jol belgisi men shaqyrymdyq belginiń 2500-den astamy, 683 aqparattyq panno, sondaı-aq 28 myń dabyl baǵanasy ornatylmaq.
Budan bólek, respýblıkalyq mańyzy bar joldardyń 600 myń sharshy metrine kezekti jóndeý júrgizý josparlanýda. Atap aıtqanda, shuńqyrlardy jóndeý (474 myń m2), joldy tegisteý (93 myń m2), boılyq jáne kóldeneń deformasııalyq jikterdi joıý (6 284 myń p.m). Sondaı-aq, 672 myń sharshy metr jolda jaryqtardy biteý iske asyrylmaq.
Sonymen qatar, 4 myń sharshy metrden astam jolǵa shý jolaqtary ornatylady. Budan bólek, shamamen 406 jol býferi, 141 myńnan astam katafot jáne 32 jaryqdıodty jol belgisi qoıylady.
Respýblıkalyq joldarda, sondaı-aq, 63 myń metrge qorshaýlar men avtomobıl pavılondary men demalys alańdarynyń 168 birligin qurý jáne jóndeý josparlanýda. Jalpy, jolshylar bıyl 15 baǵytty qamtıtyn bolady.
