Jańa shtab paıdalanýǵa berildi

Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy general-polkovnık Sáken Jasuzaqov jumys saparymen Aqtaý garnızonynda boldy. Sapar barysynda Bas shtab bastyǵy Áýe qorǵanysy kúshterine qarasty 30153 áskerı bóliminiń jańadan salynǵan shtabynyń ashylý saltanatyna qatysty. Jańa zamanǵa laıyqtap salynǵan shtab úıinde áskerı qyzmetshilerge barlyq jaǵdaı jasalǵan. Ǵı­ma­ratta ofıserlerdiń májilis zaly, brıfıng zal, psıhologııalyq jeńil­deý bólmesi, til úırenýshiler úshin lıngofon kabıneti, sport zaly, ashana ornalasqan. Jańa nysan qyzmetke qajetti qurylǵylarmen tolyqtaı jaraq­tan­dyrylǵan. Áskerı bólim kezek­shisiniń qyzmet orny da zamanaýı úlgige saı jabdyqtalǵan. Onda jaýyngerlik qyzmetti atqarý úshin beıneqondyrǵylar qoıylǵan. Endi kezekshi qyzmet ornynda otyryp-aq, avıasııalyq bólimniń aýmaǵyn tolyqtaı baqylaýda ustaı alady. Shtab úıindegi áskerı qyzmetshilerdiń keń de jaryq qyzmet bólmelerinde jumys isteý qolaıly. Áskerı-áýe kúshterine qarasty 30153 áskerı bólimi 2011 jylǵy 25 mamyrda qurylyp, sol kúni Qa­zaq­stan Respýblıkasynyń batys­taǵy áýe keńistigin qorǵaý maqsa­tynda jaýyngerlik kezek­shilik­ke kiristi. Osy azǵantaı ýa­qyt­tyń ishinde áskerı ushqyshtar bir­neshe halyqaralyq áskerı oqý-jattyǵýlarǵa qatysyp, tájirı­belerin shyńdady. 2011 jylǵy 30 tamyzda Konstıtýsııa kúnine arnalǵan áskerı parad pen 2013 jyly Qazaqstan Qarýly Kúsh­te­riniń tarıhynda tuńǵysh ret ótkizilgen jaýyngerlik paradqa qaty­syp, qazaqstandyqtardyń qur­metine bólendi. Aqtaý garnızonyna jumys sapary barysynda Bas shtab bastyǵy Aqtaý garnızonyndaǵy áskerı nysandarda bolyp, júrgizilip jatqan qurylys jumystarymen tanysty. «Egemen-aqparat».