Ǵaryshkerge qurmet

Oblystyq Dostyq úıinde ob­lystyq planetarııdiń uıym­das­tyrýymen álemniń tuńǵysh ǵaryshkeri Iýrıı Gagarınniń tý­ǵanyna 80 jyl tolýy mereıtoıy­na arnalǵan «Gagarın kóktemi» kosmonavtıka aptalyǵy ashyldy. Aptalyqtyń ashylý saltanatyna zııaly qaýym, ardagerler, qaladaǵy orta arnaýly oqý oryndary men mektepterdiń oqýshylary, eki márte Keńes Odaǵynyń Batyry Talǵat Bıgeldınov atyndaǵy Áýe qorǵanys kúshteri áskerı ıns­tıtýtynyń kýrsanttary qa­tysty. Aptalyqtyń ashylýyna arnaıy kelgen qazaqtan shyq­qan tuńǵysh ǵaryshker, Keńes Odaǵynyń Batyry, Qazaq­stan Respýblıkasynyń Halyq Qaharmany, tehnıka ǵylym­dary­nyń doktory Toqtar Áýbákirov pen «Qazǵarysh» ulttyq ǵarysh agenttiginiń ókili, «Ǵaryshty damy­tý ınstıtýty» qoǵamdyq birlestiginiń dırektory, ǵarysh­ker – synaqshy, avıasııa pol­kov­nıgi Aıdyn Aıymbetov sharanyń qurmetti qonaǵy boldy. Sharanyń ashylý saltanatynda sóz alǵan ob­lystyq mádenıet, muraǵat já­ne qujattama basqaramasy bas­shy­synyń orynbasary Qydyrǵalı Ermuhan aptalyqtyń mańyzy men mánine, onyń patrıottyq tárbıe berýdegi róline toqtaldy. Mundaı bastamalar jastardyń boıynda ǵarysh keńistigin zertteýge, jalpy ǵylymǵa degen qyzyǵýshylyǵyn arttyrýǵa yqpal etetinin de jetkizdi. Aptalyq aıasynda uıymdastyrylatyn sharalardyń uıymshyldyqpen ótkizilýine sáttilik tileı kelip, sóz kezegin Halyq Qaharmany Toqtar Áýbákirovke berdi. Ol óziniń ushqysh bolýdy bala kezden armandaǵanyn, synaqshy-ushqysh bolǵanyn, ǵaryshkerler qataryna qalaı kelgenin ádemi áńgimeledi. Kezdesýge qatysýshylardyń kóptegen suraqtaryna naqty da tolymdy jaýap berdi. Ǵaryshker elimizdiń ǵarysh salasynyń damýy men osy baǵyttaǵy taıaý bo­lashaqtaǵy atqarylatyn jumys­tardan da habardar etti. Qazaq eliniń ǵarysh salasyndaǵy tabys­tary alda ekenine sendirdi. Shara barysynda «Balalar – ǵaryshqa» baıqaý – kórmesi sal­ta­natty ashyldy. Jalpy, baı­qaý­ǵa ǵaryshtyq úlgiler men topta­malar, ǵarysh tarıhy, dekora­tıvti qoldanbaly óner, kórkem­óner atalymdary jáne ádebı shy­ǵar­malar boıynsha 400 oqý­shy qatysyp, týyndylaryn qazy­lar talqysyna usyndy. Kórme baı­qaý­dyń jeńimpazdary men júlde­gerleri dıplomdarmen jáne estelik syılyqtarmen marapattaldy. Satybaldy SÁÝIRBAI, «Egemen Qazaqstan». Aqtóbe oblysy.