О́tken aptada ÁMAT baǵasynyń ósýi 0,6%-dy qurady. Sábiz 2,8%-ǵa, pııaz 2,6%-ǵa, kartop 2,2%-ǵa, qant 1,8%-ǵa, un 1,3%-ǵa qymbattady. Qyryqqabat 1,0%-ǵa, kúnbaǵys maıy men jumyrtqa 0,1%-ǵa arzandady. О́ńirler bólinisinde bir apta ishinde baǵanyń Almaty qalasynda 1,2%-ǵa, Qostanaı jáne Shyǵys Qazaqstan oblystarynda 0,9%-ǵa ósýine jol berilgen. Premer-Mınıstrdiń orynbasary óńirlerdiń ákimdikteri Túrkistan oblysynan erte pisetin kókónisterdi jetkizýdi uıymdastyrý boıynsha jumysty tolyq júrgizbeıtinin jáne bólshek saýdadaǵy ústemeniń tıisti deńgeıde bolýyn baqylamaıtynyn atap ótti.
«Kókónis baǵasynyń ósýi – aldyn ala kelisimshart jasamaý jáne kókónis baǵasyn belgilemeýdiń saldarynan týyndap otyr», dedi B.Sultanov. Atap aıtqanda, Almaty ákimdiginiń málimetinshe, «Seılhan» sharýa qojalyǵynan 550 tonna kóleminde 140 teńgeden erte pisken qyryqqabat jetkizýge memorandým jasaldy. Alaıda sharýa qojalyǵy aldyn ala tólem júrgizý aktisin rastamady. Sonymen qatar Saýda jáne ıntegrasııa mınıstri ákimdikterdiń alqaptan sórege deıingi baǵa tizbegin qalyptastyrýǵa monıtorıng júrgizý jumysyn synǵa aldy. Mysaly, Túrkistan oblysy Jetisaı aýdanyndaǵy qyryqqabat kóterme baǵamen 160-170 teńgeden satylýda. Almatyǵa deıingi logıstıka qyryqqabattyń qunyn 190 teńgege deıin arttyrady. 15% saýda ústemesin eskere otyryp, Almaty sórelerindegi baǵa 220 teńgeden aspaýy tıis. Alaıda qyryqqabat bólshek saýdada 280 teńgeden 400 teńgege deıin satylady. Basqa óńirler boıynsha da osyndaı jaǵdaı. Shyǵys Qazaqstanda qyryqqabat baǵasy 15% saýda ústemesimen 240-250 teńge bolýy tıis. Bólshek saýdada satý baǵasy orta eseppen 310 teńge, al saýda ústemesi 47,6% bolýy tıis. Qostanaı oblysynda qyryqqabattyń kóterme baǵasy (Túrkistan oblysynan jetkizý qunyn eskere otyryp) 205 teńge bolsa, bólshek saýdadaǵy baǵasy 412-den 500 teńgege deıin aýytqıdy. «Mundaı baǵa ákimdikterdiń jumysty álsiz uıymdastyrǵanyn, jetildirilmegenin kórsetedi. Dúkenderdiń kóp ekenin túsinemiz, biraq sapaly túsindirý jumystaryn uıymdastyryp, ústemeniń 15%-dan aspaýy úshin «Saýda qyzmetin retteý týraly» Zańnyń 9-baby boıynsha habarlamalar taratýǵa bolady. Eger túsindirýlerden keıin de saýdagerler zańnama talaptaryn oryndamasa, ákimshilik sharalar qoldaný kerek», dedi Premer-Mınıstrdiń orynbasary.
Jalpy Qazaqstan boıynsha ótken aptada bólshek saýda obektilerimen shekti ruqsat etilgen saýda ústemesiniń saqtalýyn baqylaý boıynsha is-sharalar 29,2 myń «úı janyndaǵy» dúkendi nemese saýda obektileriniń 69,6%-yn qamtydy. 553 buzýshylyq anyqtaldy. Nátıjesinde, saýda nysandary erikti túrde saýda ústemelerin 15%-ǵa deıin tómendetti. Aı basynan beri saýda ústemesin buzýdyń 985 jaǵdaıy anyqtaldy, onyń ishinde 7 buzýshylyq qaıtalanǵan.
Premer-Mınıstrdiń orynbasary ákimdikterge Qazaqstannyń erte pisetin kókónisterin Túrkistan oblysynan jetkizýge forvardtyq kelisimsharttar jasasý jónindegi jumysty jedeldetýdi, sonymen qatar saýda obektileriniń áleýmettik mańyzy bar azyq-túlik taýarlaryna ruqsat etilgen shekti saýda ústemesin múltiksiz saqtaýyn baqylaýdy kúsheıtýdi tapsyrdy. Sondaı-aq B.Sultanov mamyr aıynyń ekinshi onkúndiginen maýsym aıyna deıin 174 myń tonna erte pisetin kartoptyń jınalatynyn atap ótti. Ony jappaı jınaý bastalǵan kezden alqaptyń kóterme baǵasy shamamen kılosyna 150 teńge bolmaq. «Kartoptyń qoljetimdiligi qamtamasyz etilgenin eskere otyryp, ákimdikter saýda ústemeleri men deldaldyq saldarynan kartop baǵasynyń ósýine jol bermeý boıynsha sharalardy qabyldaýy qajet», dep málimdedi B.Sultanov.
Uqsas tapsyrmalar basqa erte pisetin kókónister boıynsha da berilgen. Sonymen qatar Saýda jáne ıntegrasııa mınıstri ákimdikterde kúzgi aýyl sharýashylyǵy ónimderin 2022 jyldyń qazanynan 2023 jyldyń mamyryna deıin 110 teńge baǵasymen jetkizý mindettemesimen kelisimshart jasasýǵa daıyn fermerlerdiń tizimi bar ekenin eske saldy. Alaıda osy ýaqytqa deıin birde-bir aımaq kelisimshart jasasqan joq. Pavlodar jáne Qaraǵandy oblystaryna qazir kelisimshart jasap, óńirlermen forvardtyq kelisimsharttar jasasý úshin egý kezinde kartop pen sábizge aqsha alǵysy keletin AShTО́-niń tizimin engizý tapsyryldy. Jambyl, Túrkistan jáne Almaty oblystary AShTО́-ge kúzgi pııaz ben qyryqqabatqa forvardtyq kelisimsharttar jasaýǵa usynys engizýi kerek. «Eger qazir naqty jumys istemesek, maýsymaralyq kezeńde biz taǵy da baǵanyń ósýine tap bolamyz. Sondyqtan bul máseleniń mańyzdylyǵyn erekshe atap ótkim keledi», dedi B.Sultanov.
Aýyl sharýashylyǵy mınıstrliginiń derekteri boıynsha, 28 sáýirdegi jaǵdaıǵa saı ÁMAT qorlary respýblıka boıynsha shamamen 816 myń tonnany quraıdy, onyń ishinde «aınalym shemasy» aıasynda qorlar 118 myń tonna, turaqtandyrý qorlary 36 myń tonna bolyp, 48,4 myń tonnaǵa forvardtyq kelisimsharttar jasaldy.
