Oqıǵa ornyna Jaıyq-Kaspıı oblysaralyq basseındik balyq sharýashylyǵy ınspeksııasynyń Mańǵystaý oblysy boıynsha balyq ınspeksııasy basqarmasynyń memlekettik ınspektorlary jedel jiberilip, jaýapty memlekettik organdar arasynda 2021-2022 jyldarǵa arnalǵan ózara is-qımyl josparyna sáıkes sý janýarlarynyń jappaı qyrylý jáne qaýip-qaterin anyqtaý úshin jumys toby qurylady. Sondaı-aq osy maqsatta oblystyq quqyq qorǵaý, tabıǵat qorǵaý organdaryna, prokýratýra, veterınarııa, jergilikti atqarýshy organǵa, ekologııa jáne tótenshe jaǵdaılar departamentine jedel habarlanady.
– 2022 jyly 26 sáýir saǵat 23:00-ge deıin kelip túsken aqparatqa sáıkes teńiz jaǵalaýynyń árbir jerinde jatqan 22 óli ıtbalyq tabyldy. Itbalyqtardyń ólý sebepterin anyqtaý úshin olardy zerthanalyq tekserýge alý múmkindigi ınspeksııa qyzmetkerlerimen qarastyrylýda. О́ıtkeni olardyń deneleri ydyraý kúıinde. Qazirgi ýaqytta Mańǵystaý oblystyq balyq ınspeksııasy basqarmasynyń ınspektorlary balyq sharýashylyǵy sýbektileriniń qoryqshylyq qyzmetimen birlesip, Kaspıı teńiziniń jaǵalaý aımaǵy men basqa da ýchaskelerge baqylaý jasaýda. Zerthanalyq zertteýler júrgizý úshin balyq qorǵaý ınspektorlary birneshe ıtbalyqty, teńiz sýy men topyraqtan synama aldy, deıdi bul týraly Mańǵystaý oblysy boıynsha ekologııa departamenti baspasóz qyzmeti óz habarlamasynda.
Synamalar Mańǵystaý oblysy boıynsha ekologııa departamenti men veterınarlyq qyzmetine tapsyrylady. Al atalǵan organdar qyzmetkerleri Mańǵystaý oblystyq balyq sharýashylyǵy basqarmasy ókilderimen birge oqıǵa ornyna shyǵýdy josparlaýda. Mańǵystaýda oryn alǵan atalǵan fakti týraly BǴM Ǵylym komıtetiniń «Mıkrobıologııa jáne vırýsologııa ınstıtýty» zerthanasynyń qyzmetkerlerine, sondaı-aq «Gıdobıologııa jáne ekologııa ınstıtýty» Batys Qazaqstan mekemesiniń qyzmetkerlerine habardar etilgen. «Jaǵalaýdy baqylaý jumystary jalǵasýda. Jańartylǵan aqparat qosymsha jarııalanatyn bolady», deıdi ekologııa departamenti. Iаǵnı «Qarajanbas» ken ornynyń sý bógeti aımaǵynda ıtbalyqtardyń neden jappaı qyrylǵanyn jumys toby anyqtaıdy.
Qoqıqazdar qumda shólden óldi deıik, al teńizdegi ıtbalyqtar neden óldi?
