Aýdan ákimi Baqyt Asanov, oblystyq deneshynyqtyrý jáne sport basqarmasynyń ókili Aıtjan Berdashev, sport ardageri Qaljan Myrzaqulov, marqumnyń otbasy, jora-joldastary, shákiretteri jáne jas sportshylar qatysqan jıynda Orynbasar Merqululynyń ómir joly, voleıboldaǵy jetistikteri, óńir sportynyń damýyna sińirgen eńbegi jóninde maǵlumat berildi. Jas sportshylarǵa sporttyq kerek-jaraqtar taratyldy. Kópshilik bilikti bapker, QR Eńbek sińirgen jattyqtyrýshysy, Maqtaaral aýdanynyń qurmetti azamaty Orynbasar Merqululynyń esimin ózi uzaq jyl jumys istep, talaı sańlaqty tárbıelegen sport mektebine berýdi usyndy.
Eske sala keteıik, Orynbasar Merqululy aýdan voleıbolyn tynymsyz eńbeginiń arqasynda jańa beleske shyǵardy. Onyń jeteleýimen aýdannan qazaq elin tamsandyrǵan talaı talantty voleıbolshy qyzdar shyqty. Úzdik oıynshylary ulttyq qurama komandasynyń sapynda halyqaralyq dúbirli dodalarda Qazaqstannyń namysyn qorǵap, jasyndaı jarqyldady. Bapkerdiń eńbegi joǵary baǵalanyp, Maqtaaral aýdanynyń qurmetti azamaty, QR Eńbek sińirgen jattyqtyrýshysy atanǵan.
