Birinshilikke 14 oblys pen 3 qaladan 1000-ǵa jýyq balýan qatysty.
Jarystyń shymyldyǵyn ashqan Shymkent qalasy ákiminiń orynbasary Maqsut Isahov sportshylarǵa sáttilik tiledi.
– Memleket basshysy Qasym-Jomart Toqaev 2022 jyldy «Balalar jyly» dep jarııalaǵan bolatyn. Ol «Balalarǵa erekshe nazar aýdarý kerek. Sebebi olardyń amandyǵy – memleketimizdiń jarqyn bolashaǵynyń senimdi kepili. О́skeleń urpaqtyń úılesimdi damýy men baqytty balalyq shaǵy – bul bizdiń jalpyulttyq mindetimiz» dep atap ótti. Bıylǵy birinshilikke qatysyp jatqan balǵyndar Prezıdenttiń seniminen shyǵyp, shydamdylyq pen eptiliktiń arqasynda bıik shyńdardy baǵyndyra alady dep oılaımyn, – dedi Maqsut Pernebaıuly.
Al Qazaq kuresi Assosıasııasynyń bas dırektory Erbol Myrzabosynov búgingi tańda ulttyq kúrestiń damýy týraly toqtalyp, jarystyń mańyzdylyǵyn atap ótti.
– Búgingi tańda qazaq kúresi elimizde, onyń ishinde ońtústik aımaqtarda belsendi damýda. О́ziniń ejelgi jáne berik kúres dástúrimen tanylǵan Shymkent qalasynda bul jarystyń ótýiniń negizgi sebebi de osy. Memleket basshysy buqaralyq sportty damytý qajettigin az aıtqan joq. Elimizdiń barlyq jerlerinde sporttyq ınfraqurylym qarqyndy damyp keledi, sportpen belsendi aınalysatyn adamdar kóbeıdi. Eń bastysy salaýatty ómir saltynyń mádenıeti qalyptasyp jatyr, – dedi Erbol Qýantaıuly.
Jabyq jeńil atletıkalyq manej sport kesheninde ótken chempıonatta joǵary ulttyq sanattaǵy tóreshi Azamat Erádilov bastaǵan 50-ge jýyq maman tóreshilik jasady.
Jarys qorytyndysy boıynsha, 2007-2008 jyldary týǵan jasóspirimder arasynda Ǵalymjan Bekbergen (38 kg, Jambyl obl), Saıat Balǵabaı (42 kg, Túrkistan obl), Ernur Batyrǵalı (46 kg, Túrkistan obl), Sherhan Asqarbek (50 kg, Atyraý obl), Maǵjan Sultanııa (55 kg, Qaraǵandy obl), Erdáýlet Abdýmýtalıpov (60 kg, Qyzylorda obl), Temirlan Máýlenqul (65 kg, Qaraǵandy obl), Dastan Áshimov (70 kg, Qyzylorda obl), Álisher Slıamjanov (75 kg, Mańǵystaý obl), Shyńǵys Erjanuly (75+ kg, Almaty) chempıon atandy.
2005-2006 jylǵy jastar arasynda barlyq beldesýlerde qarsylasynan basym túskender bar. Uldar arasynda Azamat Ámirhan (65 kg, Shymkent), Oljas Jospar (70 kg, Jambyl obl), Dáýirseıithan Temirhan (76 kg, Túrkistan obl), Shahnııaz Aǵybaev (82 kg, Qostanaı obl) jáne Sardar Ábdisamıtuly (82+ kg, Túrkistan obl) jeńistiń bıik tuǵyryna kóterildi.
Al 2005-2006 jylǵy qyzdardyń nátıjesi tómendegideı: Sabına Ýálıhan (36 kg, Shymkent), Qundyz Almaǵanbetova (40 kg, Qyzylorda obl), Gúlhan Shyńǵyshan (44 kg, Atyraý obl), Nuraı Baqyt (48 kg, Qyzylorda obl), Botagóz Ádilhanova (52 kg, ShQO), Maýlıtııa Álembekqyzy (56 kg, ShQO), Zarına Muradasyl (60 kg, Qyzylorda obl), Anısa Ibatolla (60+ kg, Atyraý obl) óz salmaqtarynda jeńiske jetti.
Jarys uıymdastyrýshylary – Mádenıet jáne sport mınıstrligi Sport jáne dene shynyqtyrý isteri komıteti, Qazaq kuresi Assosıasııasy, Shymkent qalasynyń dene shynyqtyrý jáne sport basqarmasy.
