Ár ómirsheń istiń ǵylymı negizi, júlge júıesi bolý kerektigin qazir ómir kórsetip otyr. Osyndaı oń qadamǵa jetkizer jumysty aldyńǵy tolqynnyń is-tájirıbesin zerdeleı otyryp, qatarǵa jastardy tartý, olardy da ǵylymǵa balapandaı baýlý máselesi qozǵalǵan halyqaralyq konferensııa Qazaqstan Respýblıkasy Prezıdentiniń janyndaǵy Memlekettik basqarý akademııasynyń uıytqy bolýymen «Intellektýaldy kóshbasshylyq: damýdyń jańa baǵdary» degen taqyrypta ótti. Qazaqstandyq jáne sheteldik joǵary oqý oryndarynyń, onyń ishinde memlekettik qyzmet salasyndaǵy bilim men tájirıbeni ushtastyrý tásilderin saralaǵan alqaly jıyn jas ǵalymdarǵa, sonymen qatar, bul basqosý ǵylym salasy qyzmetkerleriniń kúnine jáne Qazaqstannyń syrtqy saıası vedomstvosy qurylýynyń 70 jyldyǵyna da arnalyp otyrǵanyn aıta ketsek deımiz.
Konferensııany Prezıdent janyndaǵy Memlekettik basqarý akademııasynyń rektory B.Ábdirásilov ashyp, «Qazaqstan Úkimeti memlekettik qyzmetin reformalaý jáne modernızasııalaý» Eýropalyq odaq jobasynyń Astanadaǵy memlekettik qyzmet salasyndaǵy О́ńirlik hab hatshylyǵynyń qoldaýymen uıymdastyrylǵanyn atap ótip, konferensııa eki blok boıynsha jumys isteıtin,onyń birinshi – jıyn qarsańynda G-Global kommýnıkatıvtik alańy aıasyndaǵy dóńgelek ústelder Dıýk ýnıversıteti (AQSh), Ortalyq Florıda ýnıversıteti (AQSh), Qyrǵyz zertteý-bilim berý jelisi, La-Plata Ulttyq ýnıversıteti (Argentına), Biriktirilgen áskerler ınstıtýty (Úndistan), Kaýnas tehnologııalyq ýnıversıteti, Saıası zertteýler ınstıtýty (Pákistan) jáne t.b. sekildi sheteldik áriptes joǵary oqý oryndarymen birlesip ótkiziletinin, ekinshi – paneldik sessııalardy kezinde konferensııa qatysýshylary ǵylymı jobalar sheńberindegi zertteý nátıjelerin usynýǵa múmkindik alatynyn atap aıtty.
Al konferensııanyń resmı ashylýyna qatysqan Qazaqstan Respýblıkasy Memlekettik qyzmet isteri agenttiginiń tóraǵasy A. Baımenov Prezıdent Nursultan Nazarbaevtyń «Qazaqstan – 2050» Strategııasynda adam áleýetine basymdyq bergenin, memlekettik basqarý isin jetildirý jóninde naqty baǵyt-baǵdar kórsetkenin, ǵylymǵa jasalyp jatqan qamqorlyqty tarata aıtyp, ǵylymı ádistemelikti jasaý, ony tájirıbemen ushtastyrý, bul jumysqa jastardy tarta otyryp, olardyń belsendiligin arttyrý jaıyn qozǵady. Qyzmet akademııasynda ǵylymı zerthanalardyń jumysyn jetildirýdi sóz etken tóraǵa basqarý ortalyqtaryn zaman talabyna saı qurýdy usyndy. Mundaı konferensııa jas ǵalymdardyń shyǵarmashylyq belsendiligin damytýǵa jáne eldiń zııatkerlik kapıtalyn qalyptastyrýǵa múmkindik beretinin, eń bastysy Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyndaǵy baǵdardy tııanaqty oryndaý basty mindet ekenin jetkizdi.
«Qazaqstan Úkimeti memlekettik qyzmetin reformalaý jáne modernızasııalaý» Eýropalyq odaq jobasynyń jetekshisi Dj. Mırogııannıs óziniń úsh jyldan beri bizdiń elde jumys istep jatqanyn aıtyp, bilim men ǵylymdy ushtastyrý jaıyn nazarǵa saldy. Ár azamat bul iste óziniń tııanaqty bolýy jumysqa oń nátıje beretinin eske saldy. Aldaǵy kezekte jas ǵalymdar arasynda konkýrstar ótkiziletindigin, olardyń sol izdenisteriniń nátıjesine qaraı baǵalanatynyn da atap ótti. Aýyl sharýashylyǵy mınıstrliginiń jaýapty hatshysy A. Evnıev akademııada daıyndalǵan kadrlardy basqarý isine utymdy paıdalaný jaıynda áńgime órbite kelip, bul ıgilikti isti júzege asyrý týraly agenttik tóraǵasymen, akademııa rektorymen júıeli áńgime qozǵalǵanyna dáıekter keltirdi.
Halyqaralyq deńgeıde uıymdastyrylǵan is-shara barysynda memlekettik basqarý máseleleri, basqarýshylyq kadrlardyń básekege qabilettiligi jáne kóshbasshylyǵy, ekonomıkany damytý basymdyqtary men Qazaqstannyń syrtqy saıasatynyń jańa tujyrymdamasy, sondaı-aq quqyq, zańdylyq máseleleri talqylandy. Konferensııa qorytyndysy boıynsha ázirlengen usynymdar Qazaqstannyń memlekettik organdary men joǵary oqý oryndarynyń praktıkalyq qyzmetinde paıdalaný jaıy qarastyryldy. Aldyńǵy tolqyn men jastardyń basyn qosqan halyqaralyq konferensııa qatysýshylarynyń úzdik ǵylymı-zertteý jobalary dıplomdarmen jáne baǵaly syılyqtarmen marapattaldy. Túıindeı aıtsaq, basqarý isinde de bilim men ǵylymdy ushtastyra júrgizý ýaqyt talabynan týyndap otyrǵany anyq.
Súleımen MÁMET,
«Egemen Qazaqstan».
Konferensııany Prezıdent janyndaǵy Memlekettik basqarý akademııasynyń rektory B.Ábdirásilov ashyp, «Qazaqstan Úkimeti memlekettik qyzmetin reformalaý jáne modernızasııalaý» Eýropalyq odaq jobasynyń Astanadaǵy memlekettik qyzmet salasyndaǵy О́ńirlik hab hatshylyǵynyń qoldaýymen uıymdastyrylǵanyn atap ótip, konferensııa eki blok boıynsha jumys isteıtin,onyń birinshi – jıyn qarsańynda G-Global kommýnıkatıvtik alańy aıasyndaǵy dóńgelek ústelder Dıýk ýnıversıteti (AQSh), Ortalyq Florıda ýnıversıteti (AQSh), Qyrǵyz zertteý-bilim berý jelisi, La-Plata Ulttyq ýnıversıteti (Argentına), Biriktirilgen áskerler ınstıtýty (Úndistan), Kaýnas tehnologııalyq ýnıversıteti, Saıası zertteýler ınstıtýty (Pákistan) jáne t.b. sekildi sheteldik áriptes joǵary oqý oryndarymen birlesip ótkiziletinin, ekinshi – paneldik sessııalardy kezinde konferensııa qatysýshylary ǵylymı jobalar sheńberindegi zertteý nátıjelerin usynýǵa múmkindik alatynyn atap aıtty.
Al konferensııanyń resmı ashylýyna qatysqan Qazaqstan Respýblıkasy Memlekettik qyzmet isteri agenttiginiń tóraǵasy A. Baımenov Prezıdent Nursultan Nazarbaevtyń «Qazaqstan – 2050» Strategııasynda adam áleýetine basymdyq bergenin, memlekettik basqarý isin jetildirý jóninde naqty baǵyt-baǵdar kórsetkenin, ǵylymǵa jasalyp jatqan qamqorlyqty tarata aıtyp, ǵylymı ádistemelikti jasaý, ony tájirıbemen ushtastyrý, bul jumysqa jastardy tarta otyryp, olardyń belsendiligin arttyrý jaıyn qozǵady. Qyzmet akademııasynda ǵylymı zerthanalardyń jumysyn jetildirýdi sóz etken tóraǵa basqarý ortalyqtaryn zaman talabyna saı qurýdy usyndy. Mundaı konferensııa jas ǵalymdardyń shyǵarmashylyq belsendiligin damytýǵa jáne eldiń zııatkerlik kapıtalyn qalyptastyrýǵa múmkindik beretinin, eń bastysy Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyndaǵy baǵdardy tııanaqty oryndaý basty mindet ekenin jetkizdi.
«Qazaqstan Úkimeti memlekettik qyzmetin reformalaý jáne modernızasııalaý» Eýropalyq odaq jobasynyń jetekshisi Dj. Mırogııannıs óziniń úsh jyldan beri bizdiń elde jumys istep jatqanyn aıtyp, bilim men ǵylymdy ushtastyrý jaıyn nazarǵa saldy. Ár azamat bul iste óziniń tııanaqty bolýy jumysqa oń nátıje beretinin eske saldy. Aldaǵy kezekte jas ǵalymdar arasynda konkýrstar ótkiziletindigin, olardyń sol izdenisteriniń nátıjesine qaraı baǵalanatynyn da atap ótti. Aýyl sharýashylyǵy mınıstrliginiń jaýapty hatshysy A. Evnıev akademııada daıyndalǵan kadrlardy basqarý isine utymdy paıdalaný jaıynda áńgime órbite kelip, bul ıgilikti isti júzege asyrý týraly agenttik tóraǵasymen, akademııa rektorymen júıeli áńgime qozǵalǵanyna dáıekter keltirdi.
Halyqaralyq deńgeıde uıymdastyrylǵan is-shara barysynda memlekettik basqarý máseleleri, basqarýshylyq kadrlardyń básekege qabilettiligi jáne kóshbasshylyǵy, ekonomıkany damytý basymdyqtary men Qazaqstannyń syrtqy saıasatynyń jańa tujyrymdamasy, sondaı-aq quqyq, zańdylyq máseleleri talqylandy. Konferensııa qorytyndysy boıynsha ázirlengen usynymdar Qazaqstannyń memlekettik organdary men joǵary oqý oryndarynyń praktıkalyq qyzmetinde paıdalaný jaıy qarastyryldy. Aldyńǵy tolqyn men jastardyń basyn qosqan halyqaralyq konferensııa qatysýshylarynyń úzdik ǵylymı-zertteý jobalary dıplomdarmen jáne baǵaly syılyqtarmen marapattaldy. Túıindeı aıtsaq, basqarý isinde de bilim men ǵylymdy ushtastyra júrgizý ýaqyt talabynan týyndap otyrǵany anyq.
Súleımen MÁMET,
«Egemen Qazaqstan».
