Besoba: taǵy qaýip týdy

Qazir qaraǵandy­lyqtar­dy alań­datqan bul habar «shıqan ústine qotyr» degen sózdi eske túsirer­deı. Apyraı, sol san soqtyrǵan sa­laqtyq bir emes-aý, taǵy taz qalpy­­nan taımapty. Túzelis, ózgeris­tiń «ushtyǵy túgil, pushtyǵy joq» bolyp qalypty. Aıtaıyn dep otyrǵan máse­le­miz dúıim jurtqa málim bolǵan jaıdyń jalǵasy. Qaraǵandynyń «Besoba» atty aımaǵynda burna­ǵy jyly qulap túsken úıdiń ornyna salynyp jatqan jańa­sy­nyń qurylysynan da shıki­lik shyqsa, bulaı demeske ne laj. Ataýy «Besobadan» «Shapa­ǵat­qa» aýystyrylǵan onda turǵy­zylǵan syrty áp-ádemi kóp páterli mekenjaıdyń sapasy baıaǵy basy bapan, aıaǵy sapan kúıge enipti. Qurylys jáne kom­mý­­naldyq sharýashylyq isteri jónindegi komıtet tekserýshileri anyqtaǵandaı, qurylys talabynan biraz aýytqýlar bar, buryn­ǵysynsha arzanqoldy, kópke shydas bermeıtin materıaldardy qoldaný qaıtalanǵan kórinedi. Al osylaısha anadan da, mynadan da únemdep kótergen «Besobanyń» aqyry ne bolǵany belgili. Keshegi kinárattyń izi sýymaı jatyp-aq túk bolmaǵandaı, kózdi jumyp úı salýshylardyń aıylyn jımaýy qalaı?. Solaı bola bere me? Aldy « Shapaǵatqa» amalsyz asyǵys qonystanǵandar, soǵan daıyn otyrǵandar taǵy qapyda qalýlaryna qorqady. Qurylysshylar she? Belgisiz. Aıqyn NESIPBAI, «Egemen Qazaqstan». QARAǴANDY.