«Qurmetti qazaqstandyqtar!
Sizderdi Otan qorǵaýshy kúnimen quttyqtaımyn! Bul kúni áskerı qyzmetshiler, Qarýly Kúshter ardagerleri men Otan aldyndaǵy qasıetti boryshyn ótegen barlyq azamattarǵa qurmet kórsetiledi.
Eldiń tynyshtyǵyn kúzetip, óz halqyna qaltqysyz qyzmet etýdiń jarqyn úlgisin kórsetip júrgen aıbyndy qorǵaýshylarymyzdyń qajyrly eńbekteri men erlik isterine qazaqstandyqtardyń qurmeti erekshe.
Búgingi tańda elimizdiń qorǵanys qabiletin nyǵaıtyp, qaýipsizdigin qamtamasyz etý – el basshylyǵynyń erekshe nazarynda turǵan memlekettik mańyzy zor mindet. Jyl saıyn Qarýly Kúshterimiz zaman talabyna saı jańǵyrtylyp, áskerı qyzmettiń abyroı-bedeli artyp keledi. Eldegi beıbit ómir men tatýlyqty saqtaý turaqty damýdyń kepili bolyp qala bermek.
Qurmetti otandastar, sizderge shyn júrekten zor densaýlyq, baqytty ǵumyr, asqaq rýh pen ashyq aspan tileımin!».
