Qala ákimi ártistiń teatr óneri men kınematografııanyń damýyna qosqan zor úlesin atap ótip, oǵan uzaq ǵumyr tiledi.
Siz otandyq kıno tarıhynda erekshe oryn alasyz. Búginde óner salasyndaǵy bastamalar men jobalardy qoldap, nasıhattap, jastarǵa baǵyt-baǵdar berip, shetelde elimizdiń abyroıyn asqaqtatyp jatyrsyzdar, – dedi Almaty ákimi Erbolat Dosaev.
Asanáli Áshimov 1937 jyly 8 mamyrda Jambyl oblysy Sarysý aýdany Jaıylma aýylynda dúnıege kelgen. Ol 1956 - 1961 jyldary Qurmanǵazy atyndaǵy Qazaq ulttyq konservatorııasynyń teatr fakýltetin akter mamandyǵy boıynsha bitirgen.
Asanáli Áshimov «Qyz Jibek», «Atamannyń aqyry», «Transsibir ekspresi», «Jaýshy" jáne t.b. fılmderde eń jarqyn jáne este qalarlyq rólderdi somdady.
Búginde Muhtar Áýezov atyndaǵy qazaq ulttyq drama teatry Qazaqstannyń Eńbek eri Asanáli Áshimovtiń 85 jas mereıtoıyna arnalǵan «О́nerim – ómirim» atty ınteraktıvti spektaklin usynyp otyr. Sonymen qatar mereıtoı aıasynda teatrdyń murajaı qory uıymdastyryp jatqan «Taǵdyry - óner tarıhy» atty Asanáli Áshimovtiń shyǵarmashylyǵyna arnalǵan kórme uıymdastyryldy. Kórmege teatr korıfeıiniń jeke qorynan 200-ge jýyq eksponat ótkizilgen.
