Aımaqtar • 08 Mamyr, 2022

О́ńirdiń damýyna qoldaý kórsetiledi

37 ret kórsetildi

Úkimet basshysy Álıhan Smaıylov jumys saparymen Soltústik Qazaqstan oblysynda boldy.

Premer-Mınıstr Qyzyljar aýdanyndaǵy «Peterfeld-Agro» JShS-degi kóktemgi dala ju­mystarymen tanysty. Á.Smaıyl­ov sharýa qoja­lyq­tarymen já­ne agrokásip­oryndardyń bas­shy­lary­men qyzý suhbat qurdy. Olar­dyń suraǵynyń negizgi bó­ligi salyq salý, kadr daıarlaý, tyńaıt­qyshtar men tuqym jetkizý jol­dary, astyq ónimin satyp alý baǵasy jáne sýbsıdııa máselesine arnaldy.

Á.Smaıylov Soltústik Qazaq­stannyń elimizdegi eń úlken astyqty aımaqtarynyń biri eke­nin aıtyp, óńirdiń ón­di­risti ár­taraptandyrýda da alda kele jatqanyn jetkizdi. «Aımaqtyń básekege qabiletti asa iri kólemde ónim óndire alatyn múmkindigi men áleýeti joǵary. Tek jańa tehnıka men tehnologııalar engizip, eńbek ónimdiligin únemi arttyra berý mindetin alǵa qoıyp otyrmyz. Bul sharalar halyqtyń naqty tabysyn arttyrady», dedi Úkimet basshysy.

«Peterfeld-Agro» JShS oblys­taǵy 22 kásiporynnyń biri bolyp taýarly sút fermasyn ashqan. Qazir aımaqta óndiril­gen súttiń 55 paıyzǵa jýyǵy óńde­ledi. Bul jetistikke atal­ǵan kásip­oryn da úles qosýda. Sony­men birge bıyl oblysta taǵy 8 taýarly sút kesheni ashylmaq. Premer-Mınıstr jyl saıyn elimizde keminde 35 taýarly sút fermasy iske qosylyp jatqanyn aıtty.

Sondaı-aq Úkimet basshysy Petropavl elektrotehnıkalyq zaýyty qyzmetimen tanysty. «Qyzyljar» erkin ekonomıkalyq aımaǵynda iske qosylǵan zaýyt qazir 1 mlrd teńgeniń tapsyrysy boıynsha jumys isteýde. Bul qarajatqa kásiporyn 4 myń birlik transformator daıyndamaq. Qazir munda 80 adam jumys isteıdi. Kásiporynnyń dırektory Nurjan Abdollaevtyń aıtýynsha, zaýytta kadr máselesi ózekti. «Maman tapshy­lyǵy sebepti zaýyt tolyq qýatynda jumys isteı almaı tur. Zaýyt­tyń óndiris qýaty jylyna 13 myń dana ónim shyǵarýǵa shaqtalǵan. Ázirge tek jylyna 4 myń transformator ǵana shyǵara alamyz», dedi ol. Zaýyt sehtaryn aralap kórgen Premer-Mınıstr kásiporynnyń jumysyna oń baǵa berip, aldaǵy ýaqytta qol­daý bolatynyn jetkizdi. «Mun­daı zaýyttar ekonomıkany árta­rap­tandyrý úshin mańyzdy. Ásirese, qazir kórshi elderde qosymsha naryqtar ashylyp jatyr. Sondyqtan Úkimet tarapynan osyndaı jobalardy qoldaýǵa kómek kórsetemiz», dedi ol.

О́ńirde júzege asyrylyp jatqan ózge de jobalar týraly oblys ákiminiń orynbasary Dáýren Jandarbek baıandady. Onyń aıtýyna qaraǵanda, jalpy quny 320 mlrd teńgeniń 37 jobasy júzege asyrylyp jatyr. Sonyń nátıjesinde 4 myń adam jumyspen qamtylyp otyr.

Soltústikqazaqstan­dyqtardy alańdap otyrǵan bir másele – 2-shi jylý-elektr ortalyǵynyń jaǵdaıy. Naýryz aıynda onyń bir murjasy qulap, qalany úlken ábigerge salǵan. Mamyr aıynyń sońyna deıin apattyń oryn alý sebebi tolyǵymen anyqtalmaq. Ázirge eki kompanııada saraptaý jumystary júrgizilip jatyr. Ortalyqtyń jumysyn qalpyna keltirý úshin 17 mlrd teńgeden astam qarajat kerek.

Úkimet basshysy oblystyń áleýmettik-ekonomıkalyq damýy jóninde keńes ótkizdi.

Á.Smaıylov Memleket bas­shy­synyń tapsyrmasy boıyn­sha Soltústik Qazaq­stan obly­syn 2025 jyl­ǵa áleý­mettik-ekono­mıkalyq da­mý josparyna 1,8 trln teńge qa­ras­tyrylǵanyn atap ótti.

«О́ńir basshylyǵynyń aldynda turǵan negizgi mindetterdiń biri – belgilengen jobalardy ýaqytyly jáne sapaly iske asyrý. Sebebi bul áleýmettik-ekonomıkalyq damýǵa qosymsha serpin berýi tıis. Osy maqsatqa jetý úshin Úkimet tarapynan barlyq qajetti qoldaý kórsetilip jatyr», dedi Á.Smaıylov. Ol bıyl ob­lys­ty da­mytýǵa 108,6 mlrd teńge kózdel­genin, al bıýdjetti naqty­laý ke­zin­de qosymsha 72,7 mlrd teńge bóline­tinin aıtty.

Úkimet basshysy sondaı-aq qazirgi geosaıası turaqsyzdyqqa baılanysty álemde azyq-túlik taýarlary baǵasynyń artqanymen óńir basshylyǵy ishki naryqtaǵy baǵanyń negizsiz ósýine jol bermeýi keregin aıtty. «Azyq-túlik tapshylyǵy men baǵa ósimin boldyrmaý úshin qolda bar barlyq tetikti tıimdi paıdalanýy kerek. Baǵa 15 paıyzdan aspasyn», dedi ol. Sonymen birge ońtústik óńir­lerden jáne Ortalyq Azııadaǵy kórshi memleketterden erte pisetin kókónisterdi ákelý úshin tikeleı sharttar jasasý qajet ekeni eskertildi. Úkimet basshysy naqty tapsyrmalar qatarynda 2023 jyldyń sońyna deıin res­pýblıkalyq mańyzy bar Pet­ro­­pavl – Qorǵan tas joly ýchas­ke­sin tolyq iske qosýdy júk­tedi.

Á.Smaıylov jasy 100-ge tolǵan maıdanger Valentına Volkodavtyń úıine kirip, ony Jeńis merekesimen quttyqtady. 1922 jyly týǵan V.Volkodav 1-shi Belarýs jáne 1-shi Ýkraın maıdandarynda soǵysy, 1941 jyldan 1945 jylǵa deıin soǵysta bolǵan.

 

Soltústik Qazaqstan oblysy

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar