Jyly sóz de janǵa daýa

Jaqynda bir sátte álsizdikten basym aýyryp, qan qysymym kóterilip, búıregimnen soqqy ustap, ózimdi óte nashar sezindim. Sóıtip, Tarazdaǵy №2 qalalyq aýrýhanasynyń nevrologııa bólimshesine aýyr jaǵdaıda tústim. Jasym – 51-de. Árıne, kárilik bolsa, asa mán bermes edim. Buryn asa aýyra qoımaǵan, eńgezerdeı, iri deneli, men tárizdi adamǵa syrqattanǵan da ońaı emes eken. Qatty qınalǵanda, janym murnymnyń ushyna kelgendeı kórindi. Osy kezde janyma eń aldymen, dárigerlerdiń jyly sózi jeleý boldy. Meni ǵana emes, sondaǵy barlyq naýqastardy ystyq yqylasymen emdeıtin dárigerlerdi osy aýrýhanadan kórdim. Saǵat saıyn kelip, jaǵdaıymdy bilip, qajet dári-dármekter tiziminiń durys berilýin qadaǵalap júretin bas dáriger Saýle Mamasheva bastaǵan ujymda birde-bir biliksiz maman joq sekildi. Ásirese, Gýlam Ýmarov pen Aıman Bekebaeva, medbıkeler Gúlmıra Jaqsybaeva, Medetkúl Segizova, jas maman Raýshan Baıaýbaevalardy atamaýǵa bolmaıdy. Janyna shıpa izdep kelgen ár naýqasty sózge tartyp, jyly lebiz kórsetip, arasynda qaljyńdap, kúldirip alatyn medbıkeler de joq emes. Syrqat adamǵa jyly sózdiń ózi shıpa emes pe? Altyn qoldy, meıirimdi dárigerlerdiń arqasynda dene qyzýym basylyp, qan qysymym ornyna kelip, qajetti sharalardan ótip, em-dom alyp, jazylyp shyqtym. Dárigerlerge rızashylyǵym sheksiz. Kerimqul BEGALIMOV, Jýaly aýdandyq máslıhatynyń depýtaty. Jambyl oblysy.