Elordadaǵy Kongress-Holl saraıynda Qazaqstandaǵy Belarýs mádenıeti kúnderiniń ashylý saltanaty ótip, shara barysynda jınalǵan qalyń kópshilik Belarýs telegraf agenttiginiń qorynan iriktelip alynǵan fotosýretterdiń «Búgingi Belarýs» atty kórmesi men óreli óner sheberleriniń konsertin tamashalady.
Basqosýda sóz alǵan Belarýs Respýblıkasynyń Mádenıet mınıstri Borıs Svetlov «Qazaqstan Prezıdenti Nursultan Nazarbaev pen Belarýs Prezıdenti Aleksandr Lýkashenkonyń bastamasymen bizdiń elderimiz tek saıasatta ǵana emes, sonymen qatar, mádenıet salasynda da úlken áriptestikke qol jetkizip otyr. Byltyr Belarýs elinde Qazaqstannyń mádenı kúnderi bolyp ótip, sol kezde bizdi qazaqtyń ǵajaıyp óneri men mádenıeti tánti etken bolatyn. Búgin belarýstyqtar sol ıgilikti bastamany jalǵastyryp, Astanaǵa eń úzdik ónerpazdaryn alyp kelip otyr» dep, ónerdi qurmetteıtin Astana jurtshylyǵyna rızashylyǵyn bildirdi.
Qarymta sóz kezeginde bizdiń eldiń Mádenıet mınıstri Arystanbek Muhamedıuly alystan at aryltyp kelgen qurmetti meımandardy quttyqtaı kelip, bul dástúr eki el arasyndaǵy búgingi tańda ekonomıkadaǵy sııaqty óreli úrdisti qamtyǵan yqpaldastyqtyń jarqyn kórinisi ekenin, bul saltanatty shara eki eldiń áriptestik qarym-qatynasyn burynǵydan da bıik deńgeıge kóteretindigin atap ótti.
О́nersúıer qaýym aldynda Belarýstiń jekelegen oryndaýshylary men shyǵarmashylyq ujymdary, sonyń ishinde «Pesnıary» Belarýs memlekettik jáne «Horoshkı» horeografııalyq ansambli, Belarýstiń halyq ártisteri Iаdvıga Poplavskaıa men Aleksandr Kremko óner kórsetti.
Kamshat JUBATHANOVA.
ASTANA.
