Beınejazbaǵa er adamnyń polısııa pýnktin taspen uryp jatqany túsip qalǵan. Sosyn ony taǵy bir er adam kelip, alyp ketken.
BQO polısııa departamenti baspasóz qyzmetinen túsken málimetke qaraǵanda, oqıǵa 9 mamyr kúni saǵat shamamen 09.30-da, D.Nurpeıisova kóshesinde boldy.
Mas kúıinde júrgen 44 jastaǵy A degen er adam polısııa pýnktin kirpish tasqa uqsas zatpen soǵyp, zaqym keltirgen. Osylaısha, qoǵamdyq tártipti buzyp, aınalasyndaǵy adamdardy syılamaýshylyq tanytqan.
«Atalǵan er adamǵa qatysty QR Ákimshilik quqyq buzýshylyq týraly kodeksiniń 434-babyna sáıkes hattama toltyryldy», dep habarlady vedomstvodan.
Aıana Toǵanbek
