Qazaqstan • 11 Mamyr, 2022

1 tonnaǵa jýyq bekire aýlaǵan brakonerler ustaldy

42 ret kórsetildi

1 sáýirden beri zańsyz aınalymnan 17 tonna 993 keli balyq alynǵan. Onyń ishinde 996 keli bekire tuqymdas túrleri men baǵaly balyqtardyń 755 gramm ýyldyryǵy da bar. Bul týraly Jaıyq-Kaspıı oblysaralyq basseındik balyq sharýashylyǵy ınspeksııasynyń resmı ókili Oleg Týshkanov aıtty, dep habarlaıdy Egemen.kz.

1 sáýirden beri Atyraý, Batys Qazaqstan jáne Mańǵystaý oblystarynda «Bekire-2022» keń aýqymdy balyq qorǵaý is-sharasy ótip jatyr. 

«Aksııa bastalǵannan beri Jaıyq-Kaspıı oblysaralyq basseındik balyq sharýashylyǵy ınspeksııasynyń ınspektorlary quqyq, tabıǵat qorǵaý organdarynyń jáne Shekara qyzmetiniń qyzmetkerlerimen birlesip, tabıǵat qorǵaý zańnamasyn buzýdyń 828 deregin anyqtady. Sonyń nátıjesinde 609 adam ákimshilik jaýapkershilikke tartyldy. Sot organdaryna 39 is joldandy. Brakonerlik, kórineý qylmystyq jolmen tabylǵan múlikti satyp alý nemese satý, sırek kezdesetin jáne quryp ketý qaýpi tóngen janýarlardy zańsyz paıdalaný deregimen 36 qylmystyq is qozǵaldy. Zańnama talabyn buzýshylarǵa 13,3 mln teńge aıyppul salyndy», deıdi Oleg Týshkanov.

Onyń aıtýynsha, zańsyz balyq aýlaýshylardan 406 balyq aýlaý quraly, 101 sý kóligi tárkilengen. О́zen arnasy men teńiz akvatorııasynan uzyndyǵy 114 shaqyrymǵa jýyq 1 617 balyq aýlaý quraly alynǵan.

Aksııa 31 mamyrǵa deıin jalǵasady.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar