Ortalyq Azııadaǵy bilimdi transformasııalaý

Dúnıejúzilik banktiń Al­ma­­ty­daǵy ókildigimen bir­le­sip uıymdastyrǵan dóńgelek ústelge elimizdiń jáne álem el­derinen bilim salasyndaǵy ha­lyqaralyq jáne aımaqtyq sarapshylar, sonymen qatar Abaı ýnıversıtetiniń Honors College jobasynyń 100 stýdenti qatysty.

Is-sharany Dúnıejúzilik banktiń Ortalyq Azııadaǵy adamı kapıtaldy damytý baǵ­dar­­lamalarynyń jetekshisi Sýsanna Aırapetıan júrgizdi. Al jıyndy ýnıversıtet rektory Darhan Bilálov ashyp, Ortalyq Azııadaǵy bilim berýdi trans­formasııalaýdyń ma­ńy­zyn jáne elimizdegi je­tek­shi pedagogıkalyq joǵa­ry oqý or­nynyń pandemııadan keıingi kezeńde bilim berý júıesin qal­pyna keltirý barysy týraly aıtyp ótti. Rektor sonymen birge bilim berý ınnovasııalaryn engizý tájirıbesin, sondaı-aq álemniń barlyq jo­ǵa­ry oqý oryndary tap bolyp otyrǵan saladaǵy syn-qa­ter­lerge toqtaldy. Búgingi tańda yn­ty­maq­tastyq, qajetti aqpa­rat­pen almasý, ulttyq jáne she­tel­dik uıymdar tarapynan bir-birine qoldaý kórsetý jáne yntymaqtastyq qajet ekenin de atap ótti.

Dúnıejúzilik banktiń bilim berý salasyndaǵy jahan­dyq tá­­jirıbe bóliminiń basshysy Garrı Patrınos «Orta­lyq Azııadaǵy bilim berý salasyn­da­ǵy ózgerister: jahan­dyq pers­pek­tıvalar» baıandamasynda osy taqyryptaǵy zertteý, pan­de­mııanyń aımaq pen álem elderiniń ekonomıkasy men bilimine áseri týraly egjeı-tegjeıli aıtyp berdi.

Dóńgelek ústelge qatysý­shy­lar pandemııadan keıingi bilim berý júıesin qalpyna keltirýdiń halyqaralyq tájirıbesi jáne osy úderiske kómektesetin bilim berýdegi ınnovasııalar, sondaı-aq Qazaqstan, Qyrǵyzstan, Tá­jikstan jáne О́zbekstanda kez­de­setin salalyq máselelerdi sheshý joldaryn talqylady. Áleý­mettik-ekonomıkalyq qal­py­na keltirý kezeńindegi bilim berý júıesin transformasııalaý múmkindikteri týraly baıan­da­malar jasap, tájirıbe almas­ty.

ALMATY