Aımaqtar • 12 Mamyr, 2022

Polıseıler «Jigit sultanyn» anyqtady

27 ret kórsetildi

Qazaqstan polısııasynyń 30 jyldyǵyna oraı Soltústik Qazaqstan oblysynyń PD «Jigit sultany» baıqaýyn ótkizdi. Onda polıseılerdiń tek kásibı jáne kúshtik qabileti ǵana emes, shyǵarmashylyq, kóshbasshylyq qasıetteri de synaldy. Basty shart – memlekettik tildi qoldaný sheberligi boldy.

Baıqaýdyń birinshi ke­zeńinde sporttyq synaq­tar ótkizilip, qarý qolda­ný daıar­lyǵy, júgirý jyldam­dyǵy, qol qaıraty, tırdegi nysana­ny atý dáldigi synaldy. Qalǵan ke­zeńder – ıntellektýaldyq jáne shyǵarmashylyq baǵytqa arnaldy. «О́zin tanystyrý», «Úı tapsyrmasy», óner jáne suraq-jaýap synaqtaryna qatysýshylar muqııat daıyn­dalǵandyǵyn kórsetti.

Baıqaýǵa oblystyq po­lı­­­sııa apparaty jetekshi bó­linisteriniń qyzmetkerleri qatysty. Jedel ýákilder, tergeýshi, krımınalıst, aıda­ýyl, kúzet polıseıi – bár-báriniń arasynan synaqqa qatysýshylar boldy. Qazylar alqasynyń quramynda «Qazaq tili» ha­lyqaralyq qoǵamy oblys­tyq fı­lıalynyń tóraǵasy Janat Muhamedjanov, oblys ákimdigi­niń Mádenıet, tilderdi damytý jáne muraǵat isi basqar­masynyń bas mamany Farıda Tuıaqova, SQO PD jáne Ulttyq ulany Ardagerler keńesiniń tóraǵasy Aqan Syzdyqov, SQO PD bastyǵynyń orynbasary polısııa polkovnıgi Sáýle Andaǵulova boldy.

Jeke ónerin kórsetken­der arasynda Jedel-krımı­nalıstıkalyq basqarmasynyń krımınalısi, polısııa maıory Nııazbek Qojahmetov kórermen qaýymdy tańǵaldyrdy. Ol órim ónerin bala kezinen úırengen eken, qazylar aldynda qamshyny qysqa merzimde sheber órip berdi. Sonymen birge órim ádisteri týraly, qamshyny paıdalaný yrymdary týraly da qysqasha baıandady.

Án oryndaýda aǵa jedel ýákil, polısııa maıory Rınat Ybraev «Otan Ana» ánin erekshe aıtyp, kórermenderdiń qoshemetine bólendi. «Jigit sultany» baıqaýynyń qo­­rytyndysy boıynsha «О́ner­li jigit» nomınasııasynda aǵa jedel ýákil, polısııa maıory Rınat Ybraev úzdik dep tanyldy. «Bilimdi myńdy jyǵar» nomınasııasy boıynsha Tergeý basqarmasynyń tergeýshisi, polısııa aǵa leıtenanty Ádil Shuǵaev, «Jeńiske degen jigeri úshin» nomınasııa­sy boıynsha jedel ýákil, polısııa kapıtany Jastilek Esdáýletov, «Segiz qyrly, bir syrly» nomınasııasy bo­ıynsha Tyldyq qamtamasyz etý basqarmasynyń polıseıi, polısııa serjanty Bahtııar Áýbákirov jeńimpaz dep tanyldy. Úzdik shyqqandarǵa syılyqtardy PD bastyǵy, polısııa polkovnıgi Aıdyn Qabdyldınov tapsyrdy.

 

PETROPAVL

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar