Qazaqstan • 16 Mamyr, 2022

Bos jerlerge qaýipti qaldyq tókken: birneshe óńirde sheneýnikter jaýapqa tartyldy

46 ret kórsetildi

Bas prokýratýra Almaty qalasy, Aqtóbe, Almaty, Shyǵys Qazaqstan, Qyzylorda jáne Pavlodar oblystarynyń tabıǵatty qorǵaý departamenti basshylaryn jaýapkershilikke tartty, dep habarlaıdy Egemen.kz.

Bas prokýratýranyń málimetinshe, eldi mekender mańyndaǵy turmystyq jáne óndiristik qaldyqtardyń zańsyz shyǵarylýyna qatysty azamattardyń aryz-shaǵymdary jıilep ketken. Jaqynda tabıǵatty qorǵaý zańnamasynyń saqtalýyna aýdıt júrgizildi.

«Qazaqstan Ǵarysh Sapary» ǵaryshtyq monıtorınginiń málimeti boıynsha, eldi mekenderde jyl saıyn 9 myńǵa deıin zańsyz polıgon qurylǵan. Almaty qalasynyń prokýrorlary Alataý, Medeý jáne Túrksib aýdandarynyń aýmaǵynda 17 kommýnaldyq jáne óndiristik qaldyqtar kómilgen jerdi anyqtady, qazir úıindiler joıyldy.

Jiberilgen kemshilikter úshin Aqtóbe, Almaty, Shyǵys Qazaqstan, Qyzylorda, Pavlodar oblystary men Almaty ekologııa departamenti basshylary, sondaı-aq jaýapty mınıstrliktiń laýazymdy tulǵalary tártiptik jaýapkershilikke tartyldy», dep habarlady vedomstvodan.

Tabıǵatty qorǵaý ınspektorlary bıýdjetke 12 mıllıard teńge kóleminde ákimshilik aıyppul óndirdi.

Prokýrorlar sonymen qatar kásiporyndardyń óndiristik qaldyqtardy belgilengen oryndardan tys, kádege jaratpaı jáne óńdeýsiz ornalastyrýdyń 43 deregin anyqtady.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar