«Júrgizilgen jedel is-shara barysynda jalpy quny 1,8 mlrd teńgeden astam soma bolatyn «Toıota», «Hende», «Honda» markaly kólikterge arnalǵan kontrafaktilik avtobólshekter qoımasy joıyldy. Anyqtalǵandaı, kontrafaktilik qosalqy bólshekter fırmalyq qoraptarǵa salynyp, keıin Qazaqstannyń kólik bazarlaryna taratylǵan. Jalpy, tergeý sharalarynyń qorytyndysy boıynsha 106 myńǵa jýyq jalǵan avtokólik bólshekteri tárkilendi», delingen vedomstvo taratqan habarlamada.
Usynylǵan aqparatqa sáıkes, Almatyda bir top azamat tanymal brendterdiń atyn jamylyp, avtokólikterdiń kontrafaktilik bólshekterin satýmen aınalysqan.
Qarjylyq monıtorıng agenttiginiń Almaty qalasy boıynsha aýmaqtyq departamenti qalalyq prokýratýranyń koordınasııasymen joǵaryda atalǵan tulǵalarǵa qatysty sotqa deıingi tergeýdi aıaqtady.
Is sotqa jóneltildi.
