Aımaqtar • 16 Mamyr, 2022

Aqmola oblysynda jasyryn esirtki zerthanasy joıyldy

26 ret kórsetildi

Aqmolalyq polıseıler jasyryn esirtki zerthanasyn joıdy, dep habarlaıdy Egemen.kz polisia.kz-ke silteme jasap.

Qosshy qalasy polısııa bóliminiń Esirtki qylmysyna qarsy is-qımyl basqarmasynyń jedel qyzmetkerleri Lesnaıa polıana turǵyn úı massıviniń aýmaǵynda 31 jastaǵy jergilikti turǵyndy ustady. Odan temeki shegýge arnalǵan qoldan jasalǵan quraldar jáne ishinde ósimdik tektes zaty men erekshe ıisi bar 100-ge jýyq sirińke qoraby tárkilendi.

Alynǵan zat marıhýana bolyp shyqty. Joǵaryda atalǵan esirtki quraldaryn satyp alý arnasyn anyqtaý maqsatynda polıseıler Qosshy qalasynda sátti arnaıy operasııa ótkizdi. Nátıjesinde, Reseı Federasııasynyń 39 jastaǵy azamaty ustaldy.

Sheteldik jalǵa alǵan úıden polısııa masanyń torlarynda keptirilgen belgili bir ıisi bar sur-jasyl tústi qarasoraǵa uqsas ósimdikti taýyp, salmaǵy 19 kg bolatyn 35 butany tárkiledi.

Sonymen qatar esirtki zattaryn ósirýge jáne óndirýge arnalǵan ár túrli qurylǵylar, sonyń ishinde kún sáýlesin ımıtasııalaýǵa arnalǵan arnaıy shamdar, topyraqqa arnalǵan tyńaıtqysh jáne temperatýra tetikteri tárkilendi.

2011 jyldyń tamyz aıynan bastap atalǵan tulǵa Reseı Federasııasynyń Qylmystyq kodeksiniń 111-babynda kózdelgen qylmystyq áreketteri úshin Reseı IIMB Tıýmen oblysy boıynsha memleketaralyq izdeýde ekeni belgili boldy.

Qazirgi ýaqytta QR QK-niń 297-baby 2-bóligimen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergeý sheńberinde quramynda esirtki bar ósimdikterdi zańsyz ósirý faktisi boıynsha qylmystyq is qozǵaldy (QR QK 300-baby 2-bóligi).

Polısııa qyzmetkerleri qajetti tergeý sharalaryn júrgizýde. Aıyptalýshy qamaýǵa alyndy.

Aıana Toǵanbek

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar