Aımaqtar • 16 Mamyr, 2022

Kaspıı teńizine úsh adam batyp ketken

47 ret kórsetildi

Mańǵystaý oblysynda úsh adam sýǵa batty, dep habarlaıdy Egemen.kz oblystyq TJD azamattyq qorǵaý basqarmasyna silteme jasap.

Búgin saǵat 17:40 shamasynda qutqarý qyzmetine kýágerler habarlasyp, Aqtaý qalasynyń 4-móltekaýdanynda, shomylýǵa ruqsat etilmegen jerde tórt adamnyń Kaspıı teńizine batyp bara jatqanyn jetkizgen.

Onyń bireýi óz kúshimen sýdan shyǵyp úlgergen. Qalǵan úsh adamdy qutqaryp qalý múmkin bolmaǵan.

«Qutqarý jumysyna qolaısyz aýa raıy kedergi boldy. Kúshti jelden teńiz betinde úlken tolqyndar kóterildi. Sondyqtan qazir izdeý jumysy tek teńiz jaǵalaýynda júrgizilip jatyr», dedi azamattyq qorǵaý basqarmasynyń bastyǵy Saıat Battalov.

Qutqarýshylar sýǵa túsýge arnalmaǵan jerde shomylýǵa bolmaıtynyn eske salady.

Sońǵy jańalyqtar

Dollar arzandady

Qarjy • Keshe

Uqsas jańalyqtar