Aımaqtar • 17 Mamyr, 2022

Pavlodarda esirtki saýdalaǵan er adam ustaldy

18 ret kórsetildi

Pavlodar qalasynda esirtki tasymalymen aınalysqan 32 jastaǵy er adam ustaldy, dep habarlaıdy Egemen.kz.

«Pavlodar oblysy IID Esirtki qylmysyna qarsy kúres bólimshesiniń jedel qyzmetkerleri aqsha tabý maqsatynda zańsyz zattardy satyp alýshymen tikeleı kezdespeıtin tásilmen taratqan 32 jastaǵy narkokýrerdi ustady», dedi oblystyq polısııa departamentinen.

Tártip saqshylary er adamnyń turǵylyqty jerin tekserý kezinde salmaǵy 700 gramnan asatyn krıstaldy zattardy anyqtady. Keıinirek qoımadan taǵy 390 gramm esirtki tabylǵan.

«Saraptama nátıjeleri tárkilengen zat jalpy salmaǵy bir keliden asatyn sıntetıkalyq esirtki ekenin kórsetti», dedi oblystyq polısııa departamentiniń bastyǵy Vasılıı Sklıar.

Anyqtalǵandaı, ustalǵan er adam aımaqtyq kýrer jáne esirtki qoımasynyń oraýshysy bolǵan. Ol asa iri kólemdegi esirtki zattaryn qabyldap, keıin jasyryn oryndarǵa orap salyp júrgen.

Tárkilengen esirtkiniń bir kelisi 5 myńnan astam bir rettik dozany quraıdy.

Atalǵan fakti boıynsha QR Qylmystyq kodeksi 297-babynyń 3-bólimi (Esirtki, psıhotropty nemese olarǵa uqsas zattardy zańsyz daıyndaý, óńdeý, satyp alý, saqtaý, tasymaldaý) boıynsha sotqa deıingi tergeý amaldary júrgizilýde. Kúdikti Pavlodar qalasynyń ýaqytsha ustaý ızolıatoryna quryqtaldy.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar