Aımaqtar • 17 Mamyr, 2022

Túrkistan oblysynyń turǵyny polısııaǵa tórt granata tapsyrdy

20 ret kórsetildi

Túrkistan oblysynyń turǵyny polısııaǵa tórt granata tapsyrdy, dep habarlaıdy Egemen.kz Polisia.kz-ke silteme jasap.

Qoǵamdyq qaýipsizdikti qamtamasyz etý, atys qarýy men jarylǵysh zattardy qoldana otyryp jasalatyn qylmystar men quqyq buzýshylyqtardyń aldyn alý maqsatynda 2022 jylǵy 25 sáýirden bastap Túrkistan oblysy aýmaǵynda turǵyndarǵa zańsyz saqtalǵan atys qarýyn, oq-dáriler men jarylǵysh zattardy satyp alý boıynsha aksııa ótkizilýde.

Oǵan qosa zańsyz qarýmen aınalysatyn adamdar men qylmystyq toptardy ustaýǵa, qarý ıeleriniń ony saqtaýdaǵy erejelerdi durys atqarýyna tekserý júrgizilýde.

Atalǵan aksııa aıasynda ótkizilgen qarý-jaraqtar úshin turǵyndarǵa syıaqy beriledi. Sharany ótkizý úshin Túrkistan oblysyna Úkimet tarapynan 14 mln teńgeden astam qarjy bólingen. Atalǵan aksııa barysynda oblys kóleminde 112 azamattan 167 dana otty atys qarý alyndy. Onyń ishinde 23 oıyq uńǵyly, 137 dana tegis uńǵyly qarý, jeti sholaq qarý jáne tórt granata alyndy.

Máselen, osy sharanyń respýblıka kóleminde ótip jatqanynan habardar bolǵan Keles aýdanynyń týmasy tórt RGD-5 jarylǵysh zatyn polısııa bólimine erikti túrde tapsyryp, ózine syıaqy berilýin suraǵan. Polıseılerdiń surastyrý jumystary nátıjesinde, ol jarylǵysh zatty balyq aýlaý kezinde ózen boıyndaǵy aǵash arasynda oralyp jatqanynda taýyp alǵan. Osy ýaqytqa deıin qaıda ótkizerin bilmegen turǵyn aksııany estigen boıda polısııa bólimine jetkizgen.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar