Qazaqstan • 17 Mamyr, 2022

Oqýshyladyń 81 paıyzy jazǵy lagerge barady

18 ret kórsetildi

Bul týraly QR BǴM Balalardyń quqyqtaryn qorǵaý komıtetiniń tóraǵasy Esenǵazy Imanǵalıev málim etti, dep habarlaıdy Egemen.kz.

«Jergilikti atqarý organdarynyń málimetine sáıkes, bıyl mektep jasyndaǵy balalardyń 81,3 paıyzy jazǵy demalyspen qamtamasyz etiledi. Onyń ishinde 236 qala syrtyndaǵy lager, 11 myńǵa jýyq mektep janyndaǵy jáne 930-den astam shatyrly lager jumys isteıdi», dedi Esenǵazy Imanǵalıev Bilim jáne ǵylym mınıstrliginde ótken apparat jıynynda.

Komıtet basshysynyń aıtýynsha, bıyl jazǵy demalyspen qamtylǵan balalardyń sany ótken jylǵa qaraǵanda 800 myńǵa artyq.

«Bıyl az qamtylǵan otbasy balalarynyń 61 paıyzy, erekshe qajettiligi bar balalardyń 64 paıyzy jazǵy demalyspen qamtylady. Sonymen qatar bilim salasynda túrli jetistikterge jetken balalardyń 78 paıyzy lagerlerge jiberiledi. Odan bólek, 2 mln 564 myńdaı balany jazǵy eńbekpen qamtý josparlanyp otyr. Atap aıtqanda, 86 966 qurylys otrıadyna, orman jáne kógaldandyrý jumystary men aýla klýbtaryna jumysqa tartylady. Sol sııaqty debat jáne qosymsha bilim ortalyqtarynda eńbektenedi», deıdi ol.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar