Qazaqstan • 17 Mamyr, 2022

Aýyl mektepterine 515 jańa avtobýs beriledi

32 ret kórsetildi

Balalar jyly aıasynda elimizdiń aýyl mektepteriniń avtobýs parki 515 avtobýspen jańartylady, dep habarlaıdy Egemen.kz Bilim jáne ǵylym mınıstrliginiń baspasóz qyzmetine silteme jasap.

Bul balalardy mektepke jáne úılerine qaýipsiz tasymaldaýdy qamtamasyz etýge múmkindik beredi. Ásirese mektepteri joq shalǵaıdaǵy halqy az aýyldarda turatyn balalar avtobýspen  qamtamasyz etiledi.

«Balalardy avtobýspen qamtamasyz etý úshin qarjylandyrý ákimdikterge bólinedi. Bilim jáne ǵylym mınıstrligi mektep avtobýstarymen qamtamasyz etý máselesin birneshe ret kótergen bolatyn. Bıyl óńirler mektepterin balalardy tasymaldaýǵa arnalǵan jańa kóliktermen qamtamasyz etý máselesi respýblıkalyq deńgeıde sheshilip, jańa avtobýstar alýǵa qarjy bólinip jatyr. Sondaı-aq bilim berý uıymdaryn avtobýstarmen odan ári jabdyqtaý úshin Jol kartasy ázirlendi. Búgingi tańda 25 myńnan astam oqýshy kólikke muqtaj. Sondaı-aq mektep avtobýstaryna joǵary qajettilik Túrkistan, Aqmola, Batys Qazaqstan, Almaty, Pavlodar jáne basqa da oblystarda baıqalady», dedi BǴM Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.

Qazirgi ýaqytta barlyǵy 1000-nan astam mektep avtobýsy qatynaıdy. Qarjylyq lızıng baǵdarlamasy boıynsha jeńildetilgen sharttarmen elimizde qurastyrylǵan jańa avtobýstar satyp alynady. Bul tetik el mektepteriniń barlyq avtobýs parkin kezeń-kezeńimen jańartýǵa múmkindik beredi.

«Balalardy tasymaldaýda barynsha qaýipsizdikti qamtamasyz etý maqsatynda biz satyp alynatyn kólikterge qoıylatyn tehnıkalyq talaptardy ázirlep, belgiledik. Bul 20-40 jergilikti avtobýs bolýy kerek, sebebi aýyldarda kóbine jol joq. Onymen qosa, kólikter qaýipsizdik beldikteri bar balalar oryndyqtarymen, salonda balalardy qaldyrýdy boldyrmaıtyn júıemen, kabınanyń artqy jaǵyndaǵy avarııalyq shyǵýmen jabdyqtalýy kerek. Sonymen qatar balalardy mektep avtobýsymen tasymaldaý kezinde mektep dırektorynyń buıryǵymen bekitilgen arnaıy qyzmetker alyp júrýi qajet», dep túsindirdi Dýlat Jekebaev.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar