Ekologııa • 17 Mamyr, 2022

Sý qoımalaryndaǵy balyq qory kóbeıedi

17 ret kórsetildi

Petropavl qalasyndaǵy balyq tálimbaǵy – Ekologııa, geologııa jáne tabıǵat resýrstary mınıstrligine qaraıtyn respýblıkalyq qazynashylyq kásiporny. Munda túrli balyqtardyń dernásilderin sýdan súzip alyp, sý qoımalaryna jiberýmen aınalysady. Sýdyń temperatýrasy 3-4 gradýstan aspaýy kerek, sonda dernásilder tez jandanyp, ónim beredi. Bir qutyǵa bir mln-ǵa deıin dernásil jınalady. Shamamen eki aıdan keıin olar maıshabaqqa aınalyp shyǵa keledi.

Kollajdy jasaǵan Qonysbaı ShEJIMBAI, «EQ»

Tálimbaq osy dernásilderdi mem­lekettik tapsyrysqa sáıkes Soltústik Qazaqstannyń Petro­pavl jáne Sergeev sý qoımalaryna bıylǵy mamyr aıynyń basynda jiberdi. Qoımalarǵa jalpy sany 35,5 mln dana aqsaqa tuqymdas balyq túrleriniń dernásilderi jiberildi. Munyń naqty ataýlary – kókshubar men paıdabalyq. Osy maıshabaqtar tegis ósip ketse sý qoımalaryndaǵy balyq mol bolady dep kútilýde. Qazir sý qoımalarynda balyq sanynyń azaıyp ketkeni týraly dabyl kóp. Sondyqtan da Petropavl pıtomnıgi jumysynyń ónimdi bolǵanyna mınıstrlik qana emes, jalpy el ekonomıkasy múd­deli. Bul halyqty paıdaly azyq-túlik­pen qamtamasyz etýge qosy­latyn qomaqty úles.

Dernásilderdi Petropavl jáne Sergeev sý qoımalaryna jiberý jumysy ashyq túrde iske asyryldy. Oǵan oblysaralyq Esil basseındik balyq sharýashylyǵy ınspeksııasynyń, jergilikti atqa­rýshy organnyń, «Balyq sharýa­shylyǵy ǵylymı-óndiristik or­talyǵy» JShS Soltústik Qa­zaqstan óńirlik fılıalynyń ókil­derinen quralǵan komıssııa qa­tysty. Sonymen birge buqaralyq aq­parat quraldary ókilderi de kýá boldy. Is-sharany iske asyrǵan Petropavl balyq tálimbaǵynyń qyzmetkerleri dernásilderdiń sýǵa sátti engenin aıtty. Sýdyń qa­­jet­ti temperatýrasy men syrt­qy aýa raıynyń qolaıly bol­ǵa­nyn jetkizdi. Eger qatty jel bolsa der­násilder sýdyń túbi­ne ja­sy­ryn­baq bolyp, kóbi tun­shyǵyp qa­lýy múmkin eken.

Aıta ketetin bolsaq, Petropavl balyq pıtomnıgi jyl saıyn orta eseppen sý aıdyndaryna 37 mln danaǵa jýyq aqsaqa tuqymdas balyq túrleriniń dernásilin jáne tuqy balyǵynyń shabaqtaryn jiberedi. Pıtomnık bulardan basqa túrli balyqtyń dernásilderin súzedi. Byltyr kásiporyn jalpy sany 116 mln dana dernásil daıyndaǵan. Elimizde respýblıkalyq mańyzy bar osy balyq sharýashylyǵy sýaıdyndaryn balyqtandyrý isin jalǵastyrýda.

 

PETROPAVL

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar